ބޭންކުގައި މީހުން ބަހައްޓާފައި ހުންނަ ފައިސާ ރައްކާތެރި ކުރެވޭނެ ނިޒާމެއް ގާއިމް ކުރުމަކީ ބޭންކުގެ ޒިންމާއެއް ކަމަށް މާމިގިލީ ދާއިރާގެ މެންބަރު ގާސިމް އިބްރާހިމް ވިދާޅުވެއްޖެއެވެ.

މަކަރާއި ހީލަތުގެ މައްސަލަތަކުގައި ފައިސާ ދައުރު ކުރުން ހުއްޓުވުމަށް ބޭންކު އެކައުންޓުތައް ކޯޓު އަމުރަކާއި ނުލައި ހިފެހެއްޓުމުގެ ބާރު ލިބިދޭ ގޮތަށް ގާނޫނަށް އިސްލާހު ގެނައުމަށް ގަލޮޅު އުތުރު ދާއިރާގެ އެމްޑީޕީ މެމްބަރު މުހައްމަދު އިބްރާހިމް (ކުޑޫ) ހުށަހަޅާފައިވާ ބިލަަށް ބަހުސް ކުރައްވަމުން ގާސިމް ވިދާޅުވީ ކުޑޫގެ އިސްލާޙުތައް ރަނގަޅު ނަމަވެސް އެ އިސްލާހުން ސްކޭމްގެ މައްސަލައަށް ހައްލެއް ނުލިބޭނެ ކަމަށެވެ.

އަދި ބޭންކިންގ ގެ ގާނޫނަށް އިސްލާޙްގެނައުމާ ގުޅޭ ގޮތުން ހިތަދޫ މެދު ދާއިރާގެ މެމްބަރު އަހުމަދު އަޒާން މަރުޒޫގް ދެއްކެވި ވާހަކައަށް ތާއީދު ކުރައްވައި ވާހަކަދައްކަވަމުން ގާސިމް އިތުރަށް ވިދާޅުވީ ބެންކިން ގާނޫނަށް ގާނޫނަށް އިސްލާހު ގެނަޔަސް ނުގެނަޔަސް ބެންކުގައި ހުންނަ ރައްޔިތުންގެ ފައިސާ ރައްކާތެރިކޮށް ބެހެއްޓޭނެ ނިޒާމެއް ކަނޑައެޅުމަކީ ބެންކުގެ ޒިންމާއެއް ކަމަށެވެ.

Advertisement

އެގޮތުން ގާސިމް ވިދާޅުވީ، މީގެ ކުރިން ޗެކުން މީހުންނަށް ފައިސާ ދޫކޮށް ނުވަތަ ބެންކަށް އެމީހާ ހާޒިރުވެ ސޮއިކޮށް، ފައިސާ ދޫކުރުމާ އެއް އެކައުންޓުން އަނެއް އެކައުންޓަށް ފައިސާ ބަދަލުވެގެން ދިޔައިރު މިފަދަ މައްސަލަތައް ނާންނަ ކަމަށެވެ. 

އެހެންކަމުން ގާސިމް ވަނީ އެފަދަ ކޮމްޕިއުޓަރ ޕްރޮގްރާމްތައް ހެދިގެންދާއިރު ހެދެން ޖެހޭނީ ގާނޫނެއް އޮތަސް ނެތަސް ކަސްޓަމަރުންގެ ފައިސާ ރާއްކާކުރެވޭނެ ގޮތަށް ކަމަށާ، އެ ފައިސާ ހިމާޔަތްކޮށް ރައްކާތެރިކޮށްދީ ބެލެހެއްޓުމަކީ ބޭންކުގެ ޒިންމާއެއް ކަން ތަކުރާރުކޮށް ފާހަގަކުރައްވާފައެވެ.