ހައްދުފަހަނަ އަޅާފައިވާ އިސްރާއީލުގެ ސިފައިން ޣައްޒާގެ މެދުތެރޭގައިވާ ދީރް އަލް-ބަލާޙް ސަރަޙައްދުގައި މިހާރު ހަރަކާތްތެރިވަމުންދާ ކަމަށާއި، އެ ސަރަޙައްދުގައި ދިރިއުޅޭ ފަލަސްޠީނުގެ ރައްޔިތުން އެތަނުން ނިކުމެ ޣައްޒާގެ ދެކުނަށް ދިއުމަށް އަންގާފައިވާ ކަމަށް އަލް ޖަޒީރާއިން ބުނެފިއެވެ.

މި އެންގުމާ ގުޅިގެން، 2.1 ބިލިއަން މީހުންގެ އާބާދީއެއް އޮންނަ ޣައްޒާގެ މީހުން ދިރިއުޅެން ޖެހިފައިވަނީ ޣައްޒާގެ ބިމުގެ 11 އިންސައްތާގައި ކަމަށް ވެސް އަލް ޖަޒީރާއިން ވަނީ ބުނެފައެވެ.

ހައްދުފަހަނަ އަޅާފައިވާ އިސްރާއީލުން ހިންގަމުންދާ ގަތުލުޢާއްމުގެ ސަބަބުން މިހާތަނަށް ޣައްޒާގެ ގިނަ ސަރަޙައްދުތަކެއްގައި ދިރިއުޅޭ ރައްޔިތުން ވަނީ އެހެން ހިސާބުތަކަށް ހިޖުރަކުރަން ޖެހިފައެވެ.

Advertisement

އަދި މިހާރު ދީރް އަލް-ބަލާޙް ސަރަޙައްދުން ވެސް ނިކުންނަން އެންގުމާ ގުޅިގެން، އިތުރު އެތައް ބަޔަކު ހިޖުރަކުރަން މަޖުބޫރުވާނެކަމަށްބެސް އަލްޖަޒީރާ އިން ބުނެފައިވެއެވެ.

މި ގަތުލުއާންމަށް 10 މަސްވެފައިވާއިރު މިހާތަނަށް 40,223 މީހުންވަނީ ޝަހީދުކޮށްލާފައެވެ. އަދި 92,981 މީހުން ވަނީ ޒަހަމްކޮށްލާފައެވެ.