ޣައްޒާގެ މެދުތެރޭގެ ނުސީރަތު ކޭމްޕުގެ އުތުރުގައި ހުންނަ އަލް-ޢިއްޒް ސްކޫލަށް ހައްދުފަހަނަ އަޅާފައިވާ އިސްރާއީލުން ދިން ބޮމުގެ ހަމަލާގައި 2 މީހުން ޝަހީދުވެފައިވާކަމަށް އަލް-ޖަޒީރާއިން ބުނެފިއެވެ.
މިއަދު ހެނދުނު ދިން މި ހަމަލާގައި ޝަހީދުވީމީހުންގެ އަދަދު މައްޗަށް އަރާފާނޭކަމަށްވެސްވަނީ ބުނެފައެވެ. މިހަމަލާގައިވަނީ އެތައްބަޔަކު ޒަހަމްވެފައެވެ.
އަދި މީގެ އިތުރުން މިއަދު ފަތިހު ޣައްޒާ ސިޓީގެ ހުޅަނގުގައި ހުންނަ ޕޭޝެންޓް ފްރެންޑްޝިޕް ހޮސްޕިޓަލް ކައިރީގައި ހުންނަ އަލްއަޖުލް އާއިލާއަށް ނިސްބަތްވާ ގެއަކަށް އަމާޒުކޮށް ހައްދުފަހަނަ އަޅާފައިވާ އިސްރާއީލުގެ ޔަހޫދީން ދިން ބޮމުގެ ހަމަލާއެއްގައި 5 ވަނީ ޝަހީދުވެފައެވެ. މީގެތެރޭގައި 2 ކުޑަކުދިންވެސް ހިމެނެއެވެ.
މިދިޔަ އަހަރު އޮކްޓޯބަރުމަހު 7 ވަނަ ދުވަހުގައި ޣައްޒާ މިނިވަން ކުރުމަށް ޢައްޒާގައި ހަތިޔާރުއެޅި މުޖާހުދުން ފެށި މި ހަނގުރާމައަށް 11 މަސް ވާން ކައިރިވެފައިވާއިރު މިހާތަނަށް ހައްދުފަހަނަ އަޅާފައިވާ އިސްރާއީލުން ދިން ނިރުބަވެރި ހަމަލާތަކުގައި 40,334 އަށްވުރެ ގިނަމީހުން ވަނީ ޝަހީދުކޮށްލާފައިވާކަމަށް ޣައްޒާގެ ހެލްތް މިނިސްޓްރީ އިން ވަނީ ބުނެފައެވެ.
އަދި 93,356 މީހުން ޒަހަމްވެފައިވާކަމަށް ޣައްޒާގެ ހެލްތް މިނިސްޓްރީ އިން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
