ފަލަސްޡީނުގެ ހިފާފައިވާ ހުޅަނގުގެ އައްސޭރީގައި އޮންނަ ތުލްކަރްމްގެ އިރުމަތީގައި އޮންނަ ނޫރްޝަމްސް ކޭމްޕުގެ ގެއަކަށް އަމާޒުކޮށް ހައްދުފަހަނަ އަޅާފައިވާ އިޒްރާއީލުން ދިން ހަމަލާގައި 5 މީހުން ޝަހީދުކޮށްލައިފިއެވެ.

ހައްދިފަހަނަ އަޅާފައިވާ އިޒްރޭލުގެ އޮކިއުޕޭޝަން ފޯސްއިން ބުނީ އެމީހުން ހަމަލާ ދިނީ ފަލަސްޡީގެ މުޖާހިދުންގެ އޮޕަރޭޝަން ރޫމަކަށް ކަމަށެވެ

އަދިމީގެ އިތުރުން އެމީހުން ބުުނެފައިވަނީ މި އޮޕަރޭޝަން ރޫމްއަށް 4 މިސައިލް ހަމަލާދީފައިވާ ކަމަށެވެ.

މިހަމަލާގައިވަނީ އިސްރާއީލުން ޝަހީދުކޮށްލަން މަސައްކަތްކުރަމުންދާ ޖިބްރީލް ޖިބްރީވެސް ޝަހީދުކޮށްލާފައެވެ.

ޖިބްރީލް ޖިބްރީލްއަކީ ޣައްޒާމިނިވަންކުރުމަށް ފަށާފައިވާ ހަނގުރާމާގެތެރެއިން ގައިދީން މިނިވަންކުރިއިރު ޖިބްރީލް ޖިބްރީލްވަނީ މިނިވްންވެފައެވެ.

ޖިބްރީލް ޖިބްރީލްއަކީ އަލް-ޤައްސާމް ބްރިގޭޑިގައި މުޖާހިދެއްގެ ގޮތުގައި މަސައްކަތްކޮށް އެތައް އޮޕަރޭޝަނެއް އިސްރާއީލުގެ އޮކިއުޕޭޝަން ފޯސްއާދެކޮޅަށް ހިންގާފައިވާ މުޖާހިދެކެވެ.

ޖިބްރީލް ޖިބްރީލް ޝަހީދުކޮށްލާފައި ވަނީ އޭނާގެ އުމުރުން އެންމެ 20 އަހަރުގައެވެ.

އަދި މީގެއިތުރުން 15 އަހަރުގެ އަދްނާން އަޔިސިރް ޖާބިރުވެސް ވަނީ ޝަހީދުކޮށްލާފައެވެ.

މިދިޔަ އަހަރު އޮކްޓޯބަރު މަހު 7 ވަނަ ދުވަހުން ފެށިގެން މިއަދާހަމައައް 600 އަށްވުރެގިނަ މީހުން ހުޅަންގުގެ އައްސޭރީގައި ޝަހީދުކޮލާފައިވާއިރު 165 ކުދިން މީގެ ތެރޭގައި ހިމެނެއެވެ.