ޣައްޒާގެ ދެކުނުގައި އޮންނަ ޚާން ޔުނިސް ގެ ހުޅަންގުގައި ހުންނަ ގެއަކަށް އަމާޒުކޮށް ހައްދުފަހަނަ އަޅާފައިވާ އިސްރާއީލުން ދިން ބޮމުގެ ހަމަލާއެއްގައި 5 ޝަހީދުވެ، އެތައް ބަޔަކު ޒަޚަމްވެއްޖެއެވެ.
މި ހަމަލާދީގައިވަނީ މިއަދިގެ ހެނދުނުގަ ކަމަށް އަލް-ޖަޒީރާއިންވަނީ ބުނެފައެވެ.
އަދި މިހަމަލާގައި 3 އަހަރުގެ ކުޑަކުއްޖެވެސް ޝަހީދުކޮށްލާފައިވާކަމަށް މީޑިއާތަކުންވަނީ ބުނެފައެވެ.
އަދި މީގެ އިތުރުން މިއަދު ޣައްޒާގެ މެދުތެރޭގެ ދީރު އަލް ބަލާހުގެ އަބޫ އާރިފް ސަރަހައްދުގައި ހުންނަ އަލްބަޝީރު އާއިލާގެ ގެއަށް އަމާޒުކޮށް ހައްދުފަހަނަ އަޅާފައިވާ އިސްރާއީލުން ދިން ބޮމުގެ ހަމަލާއެއްގައި ވަނީ 4 މީހުން ޝަހީދުވެފައެވެ.
މިއަދު ހެނދުނުންފެށިގެން މިހާތަނަށް 30 އަށްވުރެ ގިނަމީހުން ޝަހީދުކޮށްލާފައިވާކަމަށް ވެސް ޣައްޒާގެ ހެލްތް މިނިސްޓްރީ އިންވަނީ ބުނެފައެވެ.
މިދިޔަ އަހަރު އޮކްޓޯބަރުމަހު 7 ވަނަ ދުވަހުންފެށިގެން މިއަދާހަމައަށް 40،476 އަށްވުރެ ގިނަމީހުން ވަނީ ހައްދުފަހަނަ އަޅާފައިވާ އިސްރާއީލުން ދިން އެކި އެކި ހަމަލާތަކުގައި ޝަހީދުކޮށްލާފައެވެ.
އަދި 93،647 އަށް ވުރެގިނަ މީހުންވަނީ ޒަހަމްކޮށްލާފައެވެ.
މިދިޔަ 24 ގަޑިއިރުތެރޭ 41 މީހުން ޝަހީދުކޮށްްލާ 113 މީހުން ޒަހަމްކޮށްލާފައިވާކަމަށް ޣައްޒާގެ ހެލްތް މިންސްޓްރީއިން ވަނީބުނެފައެވެ.
Advertisement
This content is created and paid for by advertisers and does not involve Voice Journalists
