ބިލަބޮންގ ހައި އިންޓަރނޭޝަނަލް ސްކޫލުން ވައްކަން ކޮށްފައިވާ މައްސަލައެއް ރޭގެ ވަގުތެއްގައި ރިޕޯޓުކޮށްފައިވާ ކަމަށް ފުލުހުން ވިދާޅުވެއްޖެއެވެ.

ފުލުހުން މިރޭ ވިދާޅުވީ މި މައްސަލައާ ގުޅިގެން، ވަގަށްނެގި ތަކެތި ހޯދުމަށް ސީސީޓީވީ ފުޓޭޖް ބަލައި ދެނެގަނެ، އެ ސްކޫލުން ވަގަށް ނަގާފައިވަނީ 2 ލެޕްޓޮޕް ފުލުހުން ކުރި މަސައްކަތުން މިހާރުވަނީ ހޯދާފައި ކަމުގައެވެ.

 ލެޕްޓޮޕްތައް ހޯދާފައިވަނީ ވިއްކާލާފައި ވަނިކޮށް މިރޭގެ ވަގުތެއްގައި ކަމަށްވެސް ފުލުހުން މައުލޫމާތު ދެއްވިއެވެ.

މި މައްސަލައާ ގުޅިގެން އަދި މީހަކު ހައްޔަރުކޮށްފައެއް ނުވެއެވެ. ނަމަވެސް އެ މައްސަލަ ފުލުހުން ގެންދަނީ ތަޙުޤީޤު ކުރަމުން ކަމަށް ވިދާޅުވިއެވެ. 

ފުލުހުންގެ ފަރާތުން މި މައްސަލައާ ގުޅޭ އިތުރު މަޢުލޫމާތު ހާމަކޮށްފައެއް ނުވެއެވެ. އަދި މި ހާދިސާއާ ގުޅިގެން ސްކޫލުގެ ފަރާތުން ވެސް އަދި އެއްވެސް ބަޔާނެއް ނެރެފައެއް ނުވެއެވެ. 

ބިލަބޮންގް ހައި އިންޓަރނޭޝަނަލް ސްކޫލަކީ މާލޭގައި ޤާއިމުކުރެވިފައިވާ އަމިއްލަ ބައިނަލްއަޤްވާމީ ސްކޫލެކެވެ. 2017 ވަނަ އަހަރު ހުޅުވުނު މި ސްކޫލުގައި ޕްރީސްކޫލުން ފެށިގެން ގްރޭޑް 12 އަށް ކިޔަވައިދެއެވެ. އޮސްޓްރޭލިއާގެ ތަޢުލީމީ ނިޒާމަށް ބައްޓަންކުރެވިފައިވާ މި ސްކޫލުގައި ދިވެހި ދަރިވަރުންގެ އިތުރުން ބޭރުގެ ދަރިވަރުންވެސް ކިޔަވަމުންދެއެވެ. ސްކޫލުގެ މަޤްޞަދަކީ ދަރިވަރުންނަށް ފެންވަރު ރަނގަޅު ތަޢުލީމެއް ފޯރުކޮށްދިނުމާއެކު، އެކި ދާއިރާތަކުން ހުނަރުވެރި ދަރިވަރުން އުފެއްދުމެވެ.