ކްރީމީ ގާލިކް ޗިކަން އަކީ ތައްޔާރު ކޮށްލުމަށް މާ ބޮޑު ބުރައެއް އުފުލަން ނުޖެހޭ، އަނގަޔަށް މީރު ކެއުމެކެވެ. މިއަދު ވޮއިސްގެ ބަދިގެއިން މި ގެނެސްދެނީ މި ޑިޝް ރެސްޓޯރަންޓް ތަކުން އޯޑަރ ނުކޮށް ގޭގައި ފަސޭހަ ކަމާއެކު ތައްޔާރު ކޮށްލާނެ ގޮތެވެ.

- 4 ބޯންލެސް ޗިކަން ބްރެސްޓް 

- 1/2 ސައި ސަމުސާ ލޮނު

- 1/4 ސައި ސަމުސާ އަސޭމިރުސް

- 1/4 ޖޯޑު ފުށް

- 2 މޭޒުމަތީ ސަމުސާ ތެޔޮ

- 2 މޭޒުމަތީ ސަމުސާ ބަޓަރު

- 4 ލޮނުމެދު (ކުދިކޮށް ކޮށާފައި)

- 200 ގްރާމް މަޝްރޫމް (ކޮށާފައި)

- 1 ޖޯޑު ޗިކަން ބްރޮތް

- 1 ޖޯޑު ހެވީ ކްރީމް

- 1 މޭޒުމަތީ ސަމުސާ ޑިޖޯން މަސްޓަޑް

- 1 މޭޒުމަތީ ސަމުސާ ވިނެގަރު

- 1/2 ސައިސަމުސާ ހިކި ތައިމް

- 1/2 ސައިސަމުސާ ހިކި ޕާސްލީ

- ޒީނަތްތެރިކުރުމަށް: ތާޒާ ޕާސްލީ (ކުދިކޮށް ކޮށާފައި)

1. ކުކުޅު މަސްގަނޑުގެ ދެފަރާތުގައި ލޮނާއި އަސޭމިރުސް އުނގުޅާލާށެވެ. އެއަށްފަހު ފުށުގެ ތެރެއަށްލައި ރަނގަޅަށް ފުށް އުނގުޅާލުމަށްފަހު، އިތުރުވާ ފުށްކޮޅު ފޮޅާލާށެވެ.

2. ދެން ތަވައެއްގެ ތެރެއަށް ތެޔޮ އެޅުމަށްފަހު، ތެޔޮ ހޫނުވުމުން، ކުކުޅު އެއަށްލައި، ކޮންމެ ފަރާތެއް 4-5 މިނެޓު ވަންދެން ރަނގަޅަށް މުށިކުލަ އަރައި ރޯ ފިލަންދެން ކައްކާލާށެވެ.

3. އެއަށްފަހު، ކުކުޅު ތަވައިން ނަގައި، އެއަށް ބަޓަރު އަޅާފައި ވިރުވާލާށެވެ. ދެން ކުދިކޮށް ކޮށާފައިވާ ލޮނުމެދާއި ކޮށި މަޝްރޫމު އަޅާފައި، 4-5 މިނިޓު ވަންދެން ކައްކާލާށެވެ. މަޝްރޫމު ރަން މުށި ކުލައަށް އަރައި، އޭގެ ފެން ހިނދުމުން އުނދުން ނިވާލައި މަޝްރޫމް ތަވައިން ނަގާށެވެ.

4. ދެން ސޯސް ތައްޔާރު ކުރުމަށް، އެ ތަވައަށް ޗިކެން ބްރޮތް އަޅާފައި، ރަނގަޅަށް ކައްކާލާށެވެ. ދެން ހެވީ ކްރީމް، ޑިޖޯން މަސްޓަޑް، ވިނެގަރ، ހިކި ތައިމް އަދި ހިކި ޕާސްލީ އަޅާފައި އެއްކޮށްލާށެވެ. މި މިކްސްޗަރ އެކުލަވައިލުމަށްފަހު 5 މިނިޓު ވަންދެން ސޯސް އޮލަ ވަންދެން ކައްކާލާށެވެ.

5. ކައްކާފައިވާ ކުކުޅު ސޯސް ތަވައަށް ލުމަށްފަހު، ކުކުމައްޗަށް ސޯސް އަޅައި ރަނގަޅަށް ކުކުޅުގައި ސޯސް ލާށެވެ. ދެން އިތުރު 5 މިނިޓު ވަންދެން ކުކުޅު ސޯހުގެ ތެރޭގައި ކައްކާށެވެ. ކައްކަމުންދާއިރުވެސް ސަމުސަަލަކުން ކުކުޅު މައްޗަށް ސޯސް އަޅާށެވެ. ކްރީމީ މަޝްރޫމު ސޯސް ރަނގަޅަށް ކުކުޅު ތެރެއަށް ވަދެ ކެކުމުން އުނދުން ނިވާލާށެވެ.

ފަހު ކަމަކަށް ފްރެޝް ޕާސްލީ ކުދިކޮށް ކޮށާފައި ޑިޝް މައްޗަށް އަޅާލާށެވެ. ގާރލިކް މަޝްރޫމު ކްރީމް ސޯސް އަޅާފައިވާ ކުކުޅު، ބަތް ނުވަތަ ޕާސްޓާއާއެކު ނުވަތަ ވަކިން ކައްކާފައިވާ ތަރުކާރީއާއެކު ކާލަން ވަރަށްވެސް މީރު ވާނެއެވެ.