ޣައްޒާގެ މެދުތެރޭގައި އޮންނަ ނުސައިރިއާތް ކޭމްޕްގެ ހުޅަނގުން އޮންނަ އަލްޔާން އަބޫ ޔޫސުފް އިމާރާތަށް، ހައްދުފަހަނައަޅާފައިވާ އިޒްރާއީލުގެ ޔަހޫދީން އަމާޒުކޮށްހަމަލާދީ 9 މީހުން ޝަހީދުކޮށްލައި އެތައްބައެއް ޒަހަމްކޮށްލައިފިއެވެ.
މި ހަމަލާދީފައިވަނީ މިއަދު ހެނދުނު ރާއްޖޭ ގަޑިން ގާތްގަނޑަކަށް 8:10 ހާއިރުގައެވެ.
އިއްޔެ ރެއިންފެށިގެން މިއަދާހަމައަށް ހަމައެކަނި ނުސައިރިއާތް ކޭންޕުންވަނީ 20 މީހުން ޝަހީދުކޮށްލާފައިކަމަށް އަލް-ޖަޒީރާއިން ވަނީ ބުނެފައެވެ.
އަދި މިއަދު ހެނދުނުންފެށިގެން މިހާތަނަށް 34 މީހުން ޝަހީދުކޮށްލާފައިވާކަމަށް އަލް-ޖަޒީރާއިންވަނީ ބުނެފައެވެ.
މިދިޔަ އަހަރު އޮކްޓޯބަރުމަހު 7 ވަނަ ދުވަހުން ފެށިގެން، ހައަދުފަހަނަ އަޅާފައިވާ އިސްރާއީލުން ޣައްޒާއަށް ދިން ނިރުބަވެރި ހަމަލާތަކުގައި 40،602 އަށް ވުރެ ގިނަ މީހުން ވަނީ ޝަހީދުކޮށްލާފައި ކަމަށް ޣައްޒާގެ ހެލްތް މިނިސްޓްރީއިންވަނީ ބުނެފައެވެ.
އަދި 93,855 އަށްވުރެ ގިނަ މީހުން ޒަހަމްވެފައިވާ ކަމަށް ވެސް ޣައްޒާގެ ހެލްތް މިނިސްޓްރީއިންވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
