ހުޅުމާލެ ހިތްފަސޭހަ ތަނަކަށް ހެދުމަށް ކުރަމުންދާ މަސައްކަތުގެ ތެރެއިން، އިންޑަސްޓްރިއަލް ޒޯނު ހިމެނޭ ސަރަހައްދުގައި ޕާކު ކޮށްފައިވާ އުޅަނދުތަކާއި ދުވާރުމަތީ ބަހައްޓާފައިވާ ތަކެތި ނަގައި އެ ސަރަހައްދު ސާފުކުރުމުގެ މަސައްކަތް ފަށައިފައިވާ ކަމަށް އެޗްޑީސީއިން ބުނެފިއެވެ.
ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން މިއަދު އެކަސްގައި ހިއްސާކުރި މަޢުލޫމާތުގައިވާ ގޮތުން، މި މަސައްކަތް ކުރިއަށް ގެންދަނީ ކަމާބެހޭ އިދާރާތަކާ ގުޅިގެންނެވެ.
އެގޮތުން މި މަސައްކަތުގައި މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން، މޯލްޑިވްސް ޕޮލިސް ސަރވިސް، މޯލްޑިވްސް ޕޯޓްސް ލިމިޓެޑް، މާލެ ސިޓީ ކައުންސިލް އަދި ވޭސްޓް މެނޭޖްމަންޓް ކޯޕަރޭޝަން (ވެމްކޯ) ބައިވެރިވާކަމަށްވެސް އެޗްޑީސީއިން ވަނީ ބުނެފައެވެ.
އަދި މީގެ އިތުރުން އިންޑަސްޓްރިއަލް ޒޯނު ހިމެނޭ ސަރަހައްދުގައި ޕާކު ކޮށްފައިވާ އުޅަނދުތައްވެސް ނަގާނޭކަމަށް އެ އިދާރާއިންވަނީ ބުނެފައެވެ.
މި މަސައްކަތުގެ މަޤްޞަދަކީ ހުޅުމާލޭގެ މަގުތަކާއި ދުވާރުތައް ސާފުތާހިރުކޮށް، ރައްޔިތުންނަށް ފަސޭހައިން ދަތުރުފަތުރު ކުރެވޭނެ މާޙައުލެއް ޤާއިމުކުރުމެވެ.
Advertisement
This content is created and paid for by advertisers and does not involve Voice Journalists
