ހައްދުފަހަނަ އަޅާފައިވާ އިޒްރާއީލުން ހިފާފައިވާ ފަލަސްޡީނުގެ ހުޅަންގުގެ އައްސޭރީގައިވާ ޖެނީންގައި އިޒްރާއީލުގެ ނިރުބަވެރި ސިފައިންގެ ކޮމާންޑަރެއް މަރާލާފައިވާކަމަށް އައިޑީއެފް އިން ބުނެފިއެވެ.

ޖިނީން ރެއިޑްކުރާތާ 4 ދުވަސްވެފައިވާއިރު އިއްޔެ އިސްރާއީލުގެ ސިފައިންގެ ނިރުބަވެރި ކޯމާންޑަރެއް ފަލަސްޡީނުގެ މިޖާހިދުން ވަނީ އެންބުޝް އެއްގައި މަރާލާފައެވެ.

ހައްދުފަހަނަ އަޅާފައިވާ އިޒްރާއީލުން ބުނެފައިވާގޮތުން ފަލަސްޡީނުގެ މުޖާހިދުންނާ ކުރިމަތިލުމުގެ ތެރޭގައި މަރާލާފައިވަނީ 906 ވަނަ ބެޓާލިއްގެ ޕްލެޓޫން ކޮމާންޑާ ސްޓާފް ސާޖަންޓް އެލްކާނާ ނަވޮން (20އ) އެވެ.

އަދި މީގެ އިތުރުން މި ކުރިމަތިލުމުގައި 906 ވަނަ ބެޓާލިއަންގެ ނިރުބަވެރިއެއް ވަރަށްބޮޑަށް ޒަހަމްވެފައިވާކަމަށްވެސް އިޒްރާއީލުން ވަނީ ބުނެފައެވެ.

އިޒްރޭލުގެ އަސްކަރިއްޔާއިން އިތުރަށް ބުނެފައިވަނީ އެމީހުންގެ ނިރުބަވެރި ފައުޖެއް ޖެނިން ރެފިއުޖީ ކޭމްޕްގައި ހުންނަ ފަލަސްތީނުގެ ގެތަކަށް  ވަދެ ބަލައި ފާސްކުރިއިރަނިކޮށް ފަލަސްޡީނު މިނިވަންކުރަން ޖިހާދުކުރަމުންދާ ހަމާސްގެ ދެ ހަތިޔާރު އެޅި މުޖާހިދުން ވަނީ އިސްރާއީލުގެ ސިފައިންނަށް ކުރު ރާސްތާއަކުން ބަޑީގެ ވަރުގަދަ ހަމަލާއެއްދީފައިކަމަށެވެ.

އަދި މީގެ އިތުރުން އިޒްރާއީލުން ބުނެފައިވާގޮތުން މި ހަމަލާދީފައިވަނީ މީގެ ކުރިންވެސް އެތައް އޮޕަރޭޝަންތަކެއް ކުރިއަށްގެންގޮސްފައިވާ 2 މުޖާހިދުން ކަމަށްށެވެ.

ޖެނިންގައި ކުރިއަށްދާ އޮޕަރޭޝަންގައި އެ ސަރަހައްދުގެ މަގުތަކުން ގޮވާ ޒާތުގެ ތަކެތި ހޯދާފައިވާ ކަމަށް އިސްރާއީލުން ވަނީ ބުނެފައިވެއެވެ.

ޖެނިންގައި ދިރިއުޅޭ ބައެއް ރައްޔިތުން އޭއެފްޕީއަށް ކިޔައި ދިން ގޮތުގައި އެ ސަރަހައްދުގައި ދިރިއުޅޭ ރައްޔިތުން ވަނީ ދުނިޔެއާ އެކަހެރިކޮށްފައެވެ. ޖެނިން އަށް ފޯރުކޮށްދެމުން އަންނަ ފެން ކަނޑާލާފައިވާ އިރު، ކަރަންޓު ވެސް ނެތް ކަމަށް އޭނާ ކިޔައި ދިނެވެ.
"ފެން ވަނީ ކަނޑާލާފައި. ކަރަންޓު ވަނީ ކަނޑާލާފައި. ނަރުދަމާގެ ނިޒާމު މަސައްކަތެއް ނުކުރޭ. ހުރިހާ އިންފްރާސްޓްރަކްޗާ ވަނީ ހަލާކުކޮށްލާފައި. މި ތަނުގައި ލިބޭ ހިދުމަތެއް ނެތް. ބޭކަރީތައް ހުރީ ބަންދުކޮށްފައި. ކުޑަކުދިންނަށް ދޭނެ ކިރެއް ވެސް ނެތް،" ޖެނިންގެ ރައްޔިތެއް ކިޔައި ދިނެވެ.

އިޒްރާއީލިން ހިފާފައިވާ ފަލަސްޡީގުގައި މިދިޔަ 4 ދުވަސްތެރޭގައި 20 އަށްވުރެ ގިނަ މީހުންވަނީ ޝަހީދުކޮށްލާފައެވެ. އަދި 17 މީހުން ހައްޔަރުކޮށްފައިވާކަމަށް ފަލަސްޡީނުގެ ހެލްތް މިނަސްޓްރީއިން ވަނީ ބުނެފައެވެ.

އަދި މިދިޔަ އަހަރު އޮކްޓޯބަރުމަހު 7 ވަނަ ދުވަހުން ފެށިގެން 670 އަށްވުރެގިނަ މީހުން ވަނީ ޝަހީދުކޮށްލާފައެވެ.