ހައްދުފަހަނަ އަޅައިފައިވާ އިސްރާއީލުން ދެމުންދާ ހަމަލާތަކާއެކުވެސް ޕޯލިއޯ ވެކްސިން ކެމްޕެއިންގެ ފުރަތަމަ ދުވަހު 72،000 އަށްވުރެ ގިނަ ކުދިންނަށް ވެކްސިން ދީފައިވާ ކަމަށް ޣައްޒާގައި ހުންނަ ފަލަސްތީނުގެ ސިއްހަތާ ބެހޭ ވުޒާރާއިން ބުނެފިއެވެ.
އާދިއްތަ ދުވަހު މިނިސްޓްރީން ޓެލެގްރާމްގައި ކޮށްފައިވާ މެސެޖެއްގައި ބުނެފައިވަނީ އިމަޖެންސީ ޕޯލިއޯ ވެކްސިން ކެމްޕެއިންގެ ފުރަތަމަ ދުވަހު ސެންޓްރަލް އޭރިއާ (ޣައްޒާގެ) މެޑިކަލް ޓީމުތަކުން 72،611 ކުއްޖަކަށް ވެކްސިން ދެވިފައިވާކަމަށެވެ.
މި ވެކްސިން ދީފައިވަނީ 10 އަހަރުން ދަށުގެ ކުދިންނަށްކަމަށް ވެސް ވަނީ ބުނެފައެވެ.
ދީރް އަލް ބަލާހް ސެންޓަރުތަކުގައި ވެކްސިން ކެމްޕޭން ބަލަހައްޓަމުން އަންނަ މެޑިކަލް ޓީމުތަކުން ބުނި ގޮތުގައި ގާތްގަނޑަކަށް 11 މަސް ދުވަހު ޣައްޒާގައި ހިނގަމުންދާ ގަތުލުއާންމިގެ ސަބަބުން އެކުދިންނަށް ދިމާވެފައިވާ ދަތި ހާލަތުގެ ސަބަބުން ވެކްސިން ޖެހި އެތައް ސަތޭކަ ކުދިންގެ ކިބައިން ރަނގަޅުކާނެއްއްޗެހި ނުލިބޭކްމުގެ ނިޝާންތައް ފެނިފައިވާކަމަށެވެ.
ވެކްސިން ޖެހުމުގެ މަސައްކަތް ބަލަހައްޓާ ޓެކްނިކަލް ކޮމިޓީގެ އިސްވެރިޔާ މަޖުދީ ދުހައިރު ހޮނިހިރު ދުވަހު ވިދާޅުވީ މި ކެމްޕެއިން އެންމެ ފުރަތަމަ އަމާޒުކުރާނީ ސެޕްޓެމްބަރު 1-4 އަށް ޣައްޒާގެ މެދުތެރެއަށް ކަމަށާއި އެއަށްފަހު ސެޕްޓެމްބަރު 5-9 އަށް ޚާން ޔޫނުސް ކަމަށާއި ސެޕްޓެމްބަރު 9-12 އަށް ޣައްޒާ ސިޓީ އާއި އުތުރުގެ ސަރަހައްދުތަކަށްކަމަށެވެ.
ހަދުފަހަނަ އަޅާފައިވާ އިސްރާއީލުން ޣައްޒާގައި ހިންގަމުންދާގަތުލުއާންމަށް 11 މަސްވާންގާތްވެފައިވާ މިހާތަނަށް 40،700 އަށްވުރެގިނަ މީހުމް ވަނީ ޝަހީދުކޮށްލާފައެވެ. މީގެތެރޭގައި 16،000 އަށްވިރެ ގިނަ ކުޑަކުދިން ހިމެނެއެވެ.
އަދި 94،000 އަށްވުރެ ގިނަމީހުން ވަނީ ޒަހަމްކޮށްލާފައެވެ.
Advertisement
This content is created and paid for by advertisers and does not involve Voice Journalists
