ހައްދުފަހަނަ އަޅާފައިވާ އިިޒްރާއީލުން އިއްޔެ ޣައްޒާ ސިޓީގައި ހުންނަ ޒައިތޫން ނޭބާހޫޑްގެ ސަފާދް ސްކޫލަށް 3 ހަމަލާދީ 11 މީހުން ޝަހީދުކޮށްލައިފައިވާކަމަށް ޣައްޒާގެ ސިވިލް ޑިގެންސްގެ ތަރުޖަމާނު މުޙައްމަދު ބަސީލް ވުދާޅުވެއްޖެއެވެ.

ބަސީލް އިތުރަށް ވިދާޅުވެފައިވަނީ މިހަމަލާ އަމާޒުކޮށްފައިވާ މި ސުކޫލަކީ އެތައް ސަތޭކަ ޣައްޒާގެ ރައްތިތުންނެއް ހިޔާވެހިކަން ހޯދަމުންދާ ސުކޫލެއްކަމަށެވެ.

މި ހަމަލާގައި އެތައް ބައެއް ޒަހަމްވެފައިވާކަމަށްވަނީ ބުނެފައެވެ.

Advertisement

މީގެ ކުރިންވެސް ހައްދުފަހަނަ އަޅާފައިވާ އިސްރާއީލިންވަނީ އެތައް ސުކޫލަކަށް ހަމަލާދީފައެވެ. މިގޮތުން އަލް-ތޮބައީން ސުކޫލަށްދިން ހަމަލާގައިވަނީ 100 އަށްވުރެ ގިނަ މީހުން ޝަހީދުކޮށްލާފައެވެ.

އަދި މީގެ އިތުރުން ޣައްޒާގެ އުތުރުގައި އޮންނަ ޖަބަލިއާ ކޭންޕަށް ނިރުބަވެރިން ދިން ހަމަލާގައިވަނީ 4 މީހުންޝަހީދުކޮށްލާފައެވެ. އަދި ޣައްޒާގެ އުތުރުގައި އޮންނަ އެޑިއުކޭޝަން ރައުންޑްއަބައުޓަށް ނިރުބަވެރިން ދިން ހަމަލާގައި 6 މީހުންވަނީ ޝަހީދުވެފައެވެ.

އިއްޔެ ހަމައެކަނި ޣައްޒާ ސިޓީ އިންވެސް ވަނީ 14 އަށްވުރެ ގިނަ މީހުން ޝަހީދުކޮށްލާފައެވެ.

އަދި ޣައްޒާގެ މެދުތެރެއިންވަނީ 8 މީހުން ޝަހީދުކޮށްލާފައެވެ.