ފުލުހުންގެ މަސައްކަތްތައް އިތުރަށް ހަރުދަނާކޮށް ޒަމާނީ ކުރުމަށްޓަކައި އައު އެޕްލިކޭޝަންތަކެއް ތަޢާރަފުކޮށްފިއެވެ.

މޯލްޑިވްސް ޕޮލިސް ސަރވިސްގެ މަސައްކަތްތައް އިތުރަށް ހަލުވިކޮށް ފެންވަރު ރަނގަޅުކުރުމަށް މި އައު އެޕްލިކޭޝަންތައް ރަސްމީކޮށް ތަޢާރަފުކޮށްފައިވަނީ އިއްޔެ އިސްކަންދަރު ކޮށީގައި ބޭއްވުނު ޚާއްޞަ ރަސްމިއްޔާތެއްގައެވެ.

މީގެ އިތުރުން، ކުރިން ބޭނުންކުރަމުން އައި ބައެއް އެޕްލިކޭޝަންތައް އަލުން ފަރުމާކޮށް އަޕްޑޭޓްކޮށްފައިވާ ކަމަށްވެސް ފުލުހުންގެ އިދާރާއިން ހާމަކޮށްފައިވެއެވެ.

މި ރަސްމިއްޔާތުގައި އަލަށް ތަޢާރަފުކުރެވުނު އެޕްލިކޭޝަންތަކުގެ ތެރޭގައި އޮޓޮމެޓިކް ސްޕީޗް ރެކޮގްނިޝަން (އޭ.އެސް.އާރު) އަދި ސުޕަވައިޒަރ ޑޭޝްބޯޑް ހިމެނެއެވެ. ފުލުހުންގެ ޑިޖިޓަލް ޑޭޓާ އެންޑް ޓެކްނޮލޮޖީ ޔުނިޓުން ދެއްވި މަޢުލޫމާތުގައި، މި އެޕްލިކޭޝަންތަކަކީ އެންމެ ޒަމާނީ ޓެކްނޮލޮޖީ ބޭނުންކޮށްގެން ތައްޔާރުކޮށްފައިވާ އެޕްލިކޭޝަންތަކެއް ކަމަށް ފާހަގަކޮށްފައިވެއެވެ.

މި އައު ވަސީލަތްތަކުގެ ސަބަބުން ފުލުހުންގެ މަސައްކަތުގެ ފެންވަރު އިތުރަށް ރަނގަޅުވެ، މަޢުލޫމާތު ބެލެހެއްޓުމާއި ޚިދުމަތް ދިނުން އަވަސްވެގެންދާނެ ކަމަށް ފުލުހުންގެ އިދާރާއިން އުންމީދުކުރައްވައެވެ. މިކަމުގެ ސަބަބުން ޖުމުލަ ގޮތެއްގައި ފުލުހުންގެ ޚިދުމަތް މިހާރަށްވުރެ ހަރުދަނާވެ، ރައްޔިތުންނަށް ދެވޭ ޚިދުމަތުގެ ފެންވަރު އިތުރަށް ރަނގަޅުވެގެންދާނެ ކަމަށް ބެލެވެއެވެ.

ޑިޖިޓަލް ޑޭޓާ އެންޑް ޓެކްނޮލޮޖީ ސަޕޯޓް ޕޯޓަލް

ޕީއައިއައި ޓީމްސް އެޕްލިކޭޝަން

ޕާސަން އޮފް އިންޓްރެސްޓް ޕޯޓަލް

ނެއިބަހުޑް ސަޕޯޓް ސިސްޓަމް

ޓެކްނިކަލް އޮޕަރޭޝަން ޕްލެޓްފޯމް

އޮޕްސް މޮބައިލް އެޕް

ފޭސް އެޕް