ޣައްޒާ މިނިވަންކުރުމަށް ޖިހާދުކުރަމުންދާ ޙަމާސްގެ ލީޑަރު ޔަޙްޔާ ސިންވާރާއި އެޖަމާޢަތުގެ އިތުރު 5 މެމްބަރަކާ ދެކޮޅަށް އެމެރިކާއިން ދަޢުވާތަކެއް އުފުލަން ނިންމާފައިވާ ކަމަށް މީޑިއާތަކުން ބުނެފިއެވެ.

ނިއުޔޯކް ސިޓީގެ ހަތް ފެޑެރަލް ކޯޓަށް ހުށަހަޅާފައިވާ ޖިނާއީ ދައުވާ ތެތޭގައި ބޭރުގެ ޓެރަރިސްޓް ޖަމާއަތަކަށް މެޓީރިއަލް ސަޕޯޓް ދިނުމަށް ރޭވުމުގެ ދައުވާ އާއި އެމެރިކާގެ ރައްޔިތުން މަރާލަން ރޭވުމުގެ ދައުވާ އާއި ހަތިޔާރު ބޭނުންކުރަން ރޭވުމުގެ ކުށުގެ ދައުވާ ހިމެނެ އެވެ. އަދި އީރާނާއި ލުބުނާނުގެ ހިޒްބުالله ޓެރަރިސްޓް ޖަމާއަތުން ހަމާސް އަށް މާލީ އެހީތެރިކަމާއި ހަތިޔާރު ފޯރުކޮށްދޭ ކަމުގެ ދައުވާ ވެސް ހިމެނެއެވެ.

ފެބްރުއަރީ މަހު ފައިލްކޮށްފައިވާ މި ދަޢުވާތަކުގައި ކުރީގެ ޙަމާސް ލީޑަރު ޝަހީދު އިސްމާޢީލް ހަނިއްޔާއާއި މަރުވާން ޢީސާ، ޚާލިދު މަޝްޢަލް، މުޙައްމަދު އަލް-ދިރްފް އަދި ޢަލީ ބަރަކާ ހިމެނެއެވެ. ނަމަވެސް އެމެރިކާއިން ބުނެފައިވާ ގޮތުން މި ތަނުން ތިން މީހުން ވަނީ ޝަހީދުކޮށްލާފައެވެ.

Advertisement

ޝަހީދުވެފައިވާ ކަމަށް އެމެރިކާއިން ބުނެފައިވަނީ މިދިޔަ ޖުލައި މަހު ތެހެރާނުގައި ޝަހީދުކޮށްލާފައިވާ ހަމާސްގެ ކުރީގެ ޕޮލިޓިކަލް ޗީފް އިސްމާއިލް ހަނިއްޔާ އާއި މިދިޔަ ޖުލައި މަހު އިސްރާއީލުން ޣައްޒާއަށް ދިން ވައިގެ ހަމަލާއެއްގައި ޝަހީދު ކޮށްލާފައިވާ ކަމަށް އިސްރާއީލުންބުނާ މުހައްމަދު ދީފް އަދި މާޗް މަހު ދިން ހަމަލާއެއްގައި އިސްރާއީލުން ޝަހީދުކޮށްލިކަމަށްބުނާ މަރުވާން އީސާ އެވެ.

ނަމަވެސް ހަމާސް އިން ބުނެފައިވާ ގޮތުން މުޙައްމަދް ދީފް އަދި ޝަހީދުކޮށްލާފައެއްނުވެއެވެ.

އެމެރިކާގެ ޢަދުލު ފެޑަރަލް ކޯޓުން ބުނާ ގޮތުގައި، އޮކްޓޯބަރު 7 ގެ ހަމަލާގައި ޙަމާސްއިން 1،200 އަށްވުރެ ގިނަ މީހުން މަރާލިކަމަށާއި  މިއީ ހޮލޯކޯސްޓަށް ފަހު އެންމެ ގިނަ ޔަހޫދީން މަރާލެވުނު ހާދިސާ ކަމަށްވެސް ބުނެފައިވެއެވެ.

ދަޢުވާތައް އުފުލުމާއެކު، ޣައްޒާގައި އިސްރާއީލުން ހިނގަމުންދާ ގަތުލުއާންމާ ގުޅޭގޮތުން ބައިނަލްއަޤްވާމީ މުޖުތަމަޢުގެ ކަންބޮޑުވުން ވަނީ އިތުރުވެފައެވެ.

ގިނަ ޤައުމުތަކުން ވަނީ ހަނގުރާމަ ހުއްޓާލުމަށް ގޮވާލާފައެވެ. މިގޮތުން އިނގިރޭސިވިލާތުން ވަނީ އިސްރާއީލަށް ވިއްކާ ބައެއް ހަތިޔާރުތައް މަނާކުރުމަށް ނިންމާފައެވެ.