މިދިޔަ އަހަރު އޮކްޓޯބަރުމަހު 7 ވަނަ ދުވަހުގައި ޣައްޒާ މިނިވަން ކުރުމަށްފެށި ހަނގުރާމަ ތޫފާން އަލް އަޤްސާ ފެށިފަހުން މިހާތަނަށް އިޒްރާއީލިގެ ތާރީހުތެރޭގައި އިސްތިއުފާ ނުދޭހައިގިނަ އަސްކަރިއްޔާގެ ބޮޑުން އިސްތިއުފާދީފައިވާކަމަށް ނިރުބަވެރިން ބުނެފިއެވެ.

މި ގޮތުން މި އަހަރު އެކަނިވެސް 800 އަށްވުރެ ގިނަ މީހުންވަނީ އިސްތިއުފާދީފައެވެ.

މިގޮތުން، މިލިޓަރީ އިންޓެލިޖެންސް ޑައިރެކްޓްރޭޓްގެ ރިސާޗް ޑިވިޝަންގެ ވެރިޔާ ބްރިގޭޑިއާ ޖެނެރަލް އަމިތު ސާރް އިސްތިއުފާ ފިނީ "އަމިއްލަ ސަބަބުތަކާ ހުރެކަމަށާއި އޮކްޓޯބަރު 7 ގެ ހަމަލާއާ ގުޅިގެން އެ ޔުނިޓުން އެލާމް ޖަހަން ފެއިލްވުމާ ގުޅިގެޅުމެއް ނެތްކަމަށާއި އިސްތިއުފާދިނީ ބަލިވުމުގެ ސަބަބުން" ކަމަށް އިސްރާއީލުގެ މީޑިއާތަކުން ބުނެ އެވެ.

އިސްރާއީލު އަސްކަރިއްޔާގެ މިލިޓަރީ އިންޓެލިޖެންސް ޑައިރެކްޓްރޭޓްގެ ވެރިޔާ މޭޖާ ޖެނެރަލް އަހާރޮން ހަލީވާ އިސްތިއުފާ ދިނީ ފަލަސްތީނުގެ ހަމާސް ޖަމާއަތުން އޮކްޓޯބަރު މަހުގެ ހަތް ވަނަ ދުވަހު އިސްރާއީލަށް ދިން ހަމަލާގެ ސަބަބުންނެވެ އެވެ.

އިސްރާއީލުގެ އަސްކަރިއްޔާގެ ޣައްޒާ ޑިވިޝަންގެ ކޮމާންޑަރު ބްރިގޭޑިއާ ޖެނެރަލް އަވީ ރޮޒެންފެލްޑް އިސްތިއުފާ ދިނީ މިދިޔަ އޮކްޓޯބަރު މަހުގެ ހަތް ވަނަ ދުވަހު ހަމާސް ޖަމާއަތުން ދިން ހަމަލާގައި އިސްރާއީލުގެ އަސްކަރީ މަރުކަޒުތަކާއި އާބާދީތައް ހިމާޔަތް ނުކުރެވުމުންނެވެ.

ޝިން ބެޓް ސެކިއުރިޓީ އެޖެންސީގެ ސަދަން ޑިސްޓްރިކްޓްގެ ވެރިޔާ މަގާމުން އިސްތިއުފާ ދިނީ އޮކްޓޯބަރު މަހުގެ ހަތް ވަނަ ދުވަހު ހަމާސް އިން ދިން ހަމަލާ ހުއްޓުވުމުގައި އޭނާގެ ޑިޕާޓްމަންޓުން ފެއިލްވެފައިވާ ކަމަށް ބުނެ އެވެ.

އިޒްރޭލު އަސްކަރިއްޔާގެ އެންމެ ބޮޑު ކަލެކްޝަން ޔުނިޓް ކަމަށްވާ ޔުނިޓް 8200 ގެ ކޮމާންޑަރު ބްރިގޭޑިއާ ޖެނެރަލް ޔޮސީ ޝަރިއެލް އިސްތިއުފާ ދޭކަން އަންނަ ހަފުތާތަކުގެ ތެރޭގައި އިއުލާނު ކުރާނޭކަމަށާއި އިސްތިއުފާދެނީ އޮކްޓޯބަރު މަހުގެ ހަތް ވަނަ ދުވަހު އިންޓެލިޖެންސް ފެއިލްވުމާ ގުޅިގެން އޭނާއަށް އަމާޒުވި ފާޑުކިޔުންތަކާ ގުޅިގެންކަމަށެވެ.

ހައްދުފަހަނަ އަޅާފައިވާ އިސްރާއީލުން ދެމުންދާ ނިރުބަވެރި ހަމަލާތަކުގައި 40،800 އަށް ވުރެ ގިނަ މީހުންވަނީ ޝަހީދުކޮށްލާފައެވެ. އަދި 94،000 އަށްވުރެ ގިނަ މީހުން ވަނީ ޒަހަމްކޮށްލާފައެވެ.