ދިވެހިންގެ ތަބީއަތަކީ މިނިވަންކަމުގައި ދެމިތިބުން ކަމަށްވާތީ އަދުގެ ސަރުކާރުގެ މުޅި ސިޔާސަތު ބިނާކޮށްފައިވާނީ އެސާސްގެ މައްޗަށް ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.

ގައުމީ ދުވަހުގެ މުނާސަބުގައި މިއަދު ބޭއްވި ހާއްސަ ޖަލްސާގައި ވާހަކަ ދައްކަވަމުން ރައީސް ވިދާޅުވީ ރައީސުލްޖުމްހޫރިއްޔާ ވިދާޅުވީ ދިވެހިރާއްޖެއަކީ އަބަދުވެސް ދުނިޔޭގެ ބާރުތަކުގެ ވާދަވެރިކަމުގައި ހަމަލާތައް ރައްދުވާ އަދި އެ ހަމަލާތައް ރޫޅާލައި އެ ހަމަލާތަކުން ސަލާމަތްވެގަންނަ ބަޔަކު އުޅޭ ގައުމެއް ކަމަށެވެ. އެގޮތުން ދިވެހީން އަޅުވެތިކުރުމަށް ޕޯޗުގީޒުން ފޮނުވި ލަޝްކަރާ ދެކޮޅަށް ދިވެހީން ތެދުވެ، އެ މީހުން ބަލިކޮށް، އަލުން މިނިވަންކަން ހޯދައިގަތްގޮތުގެ މައްޗަށް ރައީސުލްޖުމްހޫރިއްޔާގެ ވާހަކަފުޅުގައި އަލިއަޅުވާލެއްވިއެވެ.

"މިއަދު ރާއްޖޭގައި ބޭރުގެ ސިފައިން ގާއިމުވެފައި ނެތީ އެހެން ވެގެން. މިއަދު ރާއްޖެ ބަލަހައްޓަން އެންމެ ޒަމާނީ ޓޭކްނޮލޮޖީއާއެކު އުޅަނދުތައް އުދުހެމުން އެދަނީ އެހެންވެގެން. އަދި މިއަދު ދިވެހި ގައުމިއްޔަތުގެ ޚާއްސަ ނިޒާމެއް ތަޢާރަފްކުރެވި އެދާއިރާއަށް ހޭލުންތެރިކަން އާއްމު ކުރަމުން އެދަނީ މި މުހިންމު ބޭނުމަށް،" ރައީސް މުޢިއްޒު ވިދާޅުވި އެވެ. 

ރައީސް މުޢިއްޒު އިތުރަށް ވިދާޅުވީ ދާރުލްއާސާރުގައި ހުރި ބޮޑެތި ބަޑިތަކުންނާއި މާލެ ވަށާ ބޮޑު ރަސްގެފާނެ ރޭނުއްވި ފާރުންވެސް ދައްކުވައިދެނީ ދިވެހިންގެ ކާބަފައިންނަކީ އަބަދުވެސް ހުރިހާ މާނައެއްގައިވެސް ރާއްޖޭގެ މިިނިވަންކަން ދިފާއުކުރި ބައެއް ކަން ކަމަށެވެ.

މިއާއެކު ކޮންމެ ބައެއްވެސް އެބައެއްގެ ފަސްގަނޑު ހިމާޔަތް ކުރަނީ، އެ ފަސްގަނޑުން އެބަޔަކު ހިމާޔަތް ކުރާތީ ކަން ފާހަގަކުރައްވައި ރައީސް ވިދާޅުވީ، ދިވެހި މަސްކަނޑުތައް ދިވެހީން ޒަމާނުއްސުރެ ސަލާމަތްކުރާ ތަބީއީ ސިއްރަކީ އަދި ބަނޑުފުރާނަ މުއްތިކުރާ މައިރޯއްޖަކީ އެ ކަނޑުތަކުން ލިބޭ ރިޒުގު ކަމުގައިވުން ކަމަށެވެ. އެގޮތުން އެ ކަނޑުތަކުގެ މައްޗަށް އޮންނަ ބާރު ގެއްލިއްޖެނަމަ އެއީ ހައިހޫނުކަމުގެ ފެށުން ކަން ފާހަގަކުރެއްވި އެވެ.

ކަންމިހެން ހުރުމުން، އަންނަން އޮތް ޖީލުތަކަކީ ދިވެހި ބިމަށް ވަޒަންވެރި ޖީލުތަކަކަށް ހެދުމަކީ މުހިންމު ކަމެއް ކަމަށްވެސް ރައީސް ވިދާޅުވި އެވެ.