އިންޑިއާގެ ކޯސްޓް ގާޑުގެ އެޑްވާންސްޑް ހެލިކޮޕްޓަރެއް އަރަބި ކަނޑަށް ވެއްޓި 2 މީހުން މަރުވެފައިވާކަމަށް އެގައުމުގެ މީޑިއާތަކުން ބުނެފި އެވެ.
ގެއްލުނު މީހުން ހޯދުމުހެ މަސައްކަތް ކުރީ ކޯސްޓް ގާޑުގެ ހަތަރު އުޅަނދަކާއި ދެ އެއާކްރާފްޓް ބޭނުންކޮށްގެންނެވެ.
ޕޯރްބަނދަރު ކޯސްޓްގާޑުގެ ޑީއައިޖީ ޕަންކަޖް އަގަރްވާލް ވިދާޅުވީ އަންގާރަ ދުވަހު ފެނުނު ހަށިތަކަކީ ކޮމަޑާންޓް ވިޕިން ބާބޫ އާއި ޕީ/އެންވީކޭ ކަރަން ސިންގް ކަމަށެވެ. ހެލިކޮޕްޓަރު ވެއްޓުމުގެ ހާދިސާގައި އެކަކު ވަނީ ސަލާމަތްކޮށްފައެވެ. ސަލާމަތްވި މީހާ ފެނުނު ސަރަހައްދުން ހެލިކޮޕްޓަރުގެ ބައިތައް ވަނީ ފެނިފައެވެ.
މި ހެލިކޮޕްޓަރު ހޯމަ ދުވަހުގެ ރޭގެ ވަގުތެއްގައި ވެއްޓުނީ އިންޑިއާގެ އުޅަނދެއްގައި ސީރިއަސް ޒަހަމްތަކެއް ވެގެން ހާލުބޮޑު ބަލިމީހަކު ބަލައި ދަނިކޮށް އިމަޖެންސީ ހާލަތުގައި ކަނޑަށް ޖެއްސުމުގެ ތެރޭގަ އެވެ.
ދާދިފަހުން އަރަބި ކަނޑުގައި އުފެދުނު ތޫފާނުގައި ބޯޓެއް ބެހިގެން އޭގައި ތިބި މީހުން ސަލާމަތްކޮށްފައިވަނީ، މި ހެލިކޮޕްޓަރު ބޭނުންކޮށްގެންނެވެ.
ހޯމަދުވަހުގެ ރޭ އިންޑިއާ ގަޑިން 11:00 ހާކަންހާއިރު މި އެކްސިޑެންޓު ހިނގި އިރު ހަތަރު މީހަކު ހެލިކޮޕްޓަރުގައި ތިއްބެވެ. ހެލިކޮޕްޓަރު ވެއްޓެއް ދިމާވި ސަބަބެއް އަދި ނޭނގޭ ކަމަށް ކޯސްޓް ގާޑުން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
