ދެ ދުވަހުގެ ތެރޭގައި ޣައްޒާގެ 161،000 ކުދިންނަށް ޕޯލިއޯ ވެކްސިން ދީފައިވާކަމަށް ޑަބްލިއުއެޗްއޯ އިން ބުނެފިއެވެ.
ޕޯލިއޯ ވެކްސިން ޣައްޒާއަށް ފޯރުކޮށްދިނުމަށް ޑަބްލިޔުއެޗްއޯއިން އެދުނީ 25 އަހަރަށްފަހު ފުރަތަމަ ފަހަރަށް ޣައްޒާއިން ޕޯލިއޯ ފެނުމާ ގުޅިގެންނެވެ.
ޖެނީވާގައި ބޭއްވި ނޫސްވެރިންގެ ބައްދަލުވުމެއްގައި ތަރުޖަމާނު ރިޗަޑް ޕީޕަކޯން ވިދާޅުވީ ވެކްސިން ކެމްޕޭންގެ ދެވަނަ ދުވަހު ގާތްގަނޑަކަށް 74،340 ކުދިންނަށް ވެކްސިން ދީފައިވާކަމަށާއި ފުރަތަމަ ދުވަހު 86،600 އަށް ވުރެ ގިނަ ކުދިންނަށް ވެކްސިން ދެވިފައިވާ ކަމަށެވެ
އޭނާ އިތުރަށް ވިދާޅުވީ 7 އޮކްޓޯބަރުގެ ކުރިން ޣައްޒާގެ އާބާދީގެ ބޮޑު ބަޔަކަށް ވެކްސިން ދެވިފައިވާ ކަމަށާއި ނަމަވެސް ގަތުލުއާންމުގެ ސަބަބުން ވެކްސިންގެ ދެ ވަނަ ޑޯޒް ދެވުނު މިންވަރު ދަށްވެފައިވާ ކަމަށެވެ.
މި ކެމްޕެއިންގެ އަމާޒަކީ 640،000 އަށްވުރެ ގިނަ ކުޑަކުދިންނަށް ވެކްސިން ފުރިހަމަކުރުންކަމަށްވެސް އޭނާ ވަނީ ބުނެފައެވެ.
މި ކެމްޕޭން ފެށުނީ އާބާދީ ބޮޑު ޣައްޒާގެ މެދުތެރޭން ކަމަށާއި، ޑަބްލިއުއެޗްއޯއިން އެންމެ ފުރަތަމަ ލަފާކުރީ 10 އަހަރުން ދަށުގެ 156،500 ކުދިންނަށް ވެކްސިން ދިނުން ކަމަށްވެސް ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
