މީހަކު ރަހީނުކޮށް ފައިސާ ފޭރުނު ކަމަށް ތުހުމަތުކުރެވޭ 27 އަހަރުގެ ދިވެހި އަންހެނަކު ފުލުހުން ވަނީ ހައްޔަރުކޮށްފައެވެ.
މި މައްސަލައިގައި ތުހުމަތުކުރެވެނީ އެ އަންހެން މީހާ ތޫނު ހަތިޔާރެއް ބޭނުންކޮށްގެން ބިރުދައްކައި ފޭރުނު ކަމަށެވެ. އޭނާގެ ބަންދާމެދު ގޮތެއް ނިންމުމަށް މިއަދު ކްރިމިނަލް ކޯޓަށް ހާޒިރުކުރުމުން، 15 ދުވަހުގެ މުއްދަތަށް ކަސްޓޯޑިއަލް ޖަލެއްގައި ބަންދުކުރުމަށް ކޯޓުން ވަނީ އަމުރުކޮށްފައެވެ.
މި މައްސަލައިގެ އަޑުއެހުމުގައި ޣާޒީ އިބްރާހިމް އިހްސާން ވިދާޅުވި ގޮތުގައި، މީހަކު ރަހީނުކުރުމަށްފަހު ފައިސާ ފޭރުނު ކަމަށް ބެލެވޭ ކޮންމެވެސް މިންވަރެއްގެ ހެކި ހުށަހަޅާފައިވެއެވެ.
އެގޮތުން ހާދިސާ ހިނގި ތަނަށް ދިޔަ ފުލުހުންގެ ރިޕޯޓާއި، އަނިޔާ ލިބުނު މީހާގެ ބަޔާނާއި ފޮޓޯ ހުށަހަޅާފައިވާ ކަމަށް އޭނާ ވިދާޅުވިއެވެ. އަދި ތުހުމަތުކުރެވޭ އަންހެންމީހާއަކީ ކުރިން ވެސް ކުށުގެ ރެކޯޑު އޮތް މީހެއްކަން ފާހަގަކުރެއްވިއެވެ.
Advertisement
This content is created and paid for by advertisers and does not involve Voice Journalists
