ޣައްޒާގެ އުތުރުގެ ޖަބާލިއާގެ ހަލީމާ އަލް ސާދިޔާ ސްކޫލްގެ ކްލާސްރޫމަކަށް އަމާޒުކޮށް ހައްދުފަހަނަ އަޅާފައިވާ އިސްރާއީލުން ދިން ހަމަލާގައި 8 މީހުން ޝަހީދުވެ އެތައްބައެއް ޒަހަމްކޮށްލައިފިއެވެ.

މި ހަމަލާ އަމާޒުކޮށްފައިވަނީ ގެދޮރުގެއްލިފައިވާ އެތައްސަތޭކަބައެއް ދިރިއިޅެމުންދާ ސުކޫލެއްގެ ކުލާސްރޫމަކަށެވެ.

މި ނިރުބަވެރި ހަމަލާގައި ގިނައިން ޝަހީދުކޮށްލާފައިވަނީ އަންހެނުންނާއި ކުޑަކުދިންނެވެ.

އަދި މީގެ އިތުރުން އަލް-ބުރައިޖް ކޭންޕުގެ އެޕާޓްމެންޓަކަށް ދިންހަމަލާގައި ވަނީ 4 މީހުން،ޝަހީދުކޮށްލައި އެތައްބައެއް ޒަހަމްކޮށްލާފައެވެ.

މިދިޔަ އަހަރު އޮކްޓޯބަރުމަހުފެށި މި ގަތުލުއާންމުގައި މިހާތަނަށް 40،878 މީހުންޝަހީދުކޮށްލާފައިވާއިރު 94،454 މީހުންޒަހަމްކޮށްލާފައިވާކަމަށް ޣްއްޒާގެ ހެލްތް މިނިސްޓްރީއިންވަނީ ބުނެފައެވެ.