ފަލަަސްތީނުގެ ޣައްޒާގެ ދެކުނުގެ ޚާން ޔޫނިސްގައި ގެދޮރު ގެއްލިފައިވާ ފަލަސްތީނު މީހުން އުޅެމުންދިޔަ ޓެންޓުތަކަކަށް ހައްދުފަހަނަ އަޅާފައިވާ އިސްރާއީލުން ހަމަލާދީ 40 މީހުން ޝަހީދުކޮށްލައި، 60 މީހުން ޒަހަމްކޮށްލާފައިވާ ކަމަށް ޣައްޒާގެ ސިވިލް ޑިފެންސްގެ ތަރުޖަމާނު ބުނެފިއެވެ.

މި ހަމަލާ އަމާޒުކޮށަފައިވަނީ އިޒްރާއީލުން ސޭފްޒޯން ކަމަށްބުނެފައިވާ ސަރަހަށްދަށެވެ.

ސިވިލް ޑިފެންސް އިން ބުނެފައިވަނީ ބަރުދަނުގައި 2000 ޕައުންޑު ހުންނަ އެމްކޭ-48 ގެ 5 މިސައިލު ބޭނުންކޮށްގެން ދިން މި ނިރުބަވެރި ހަމަލާ އަމާޒުކޮށްފައިވަނީ 20 ޓެންޓަށްކަމަށެވެ. އަދި މިޓެންޓުތަކުގައި 115 މީހުން ދިރިއުޅެމުން ދިޔަ ކަމަށްވެސް ވަނީ ބުނެފައެވެ.

ތަރުޖަމާނު އިތުރަށް ވިދާޅުވީ މީހުން ސަލާމަތްކުރުމަށް ބޭނުންކުރާ ތަކެތި ނެތުމުގެ ސަބަބުން ހަށިގަނޑުތަށް ހޯދުމުގައި ދަތިތަކާކުރިމަތިލާން ޖެހިފައިވާ ކަމަށެވެ.

ހައްދުފަނަ އަޅާފައުވާ އިޒްރާއީލުން ބުނިގޮތުގައި މި ހަމަލާ އަމާޒުކޮށްފައިވަނީ ޣައްޒާ މިނިވަންކުރަން ޖިހާދުކުރަމުންދާ ހަމާސްގެ 2 މުޖާހިދުނަށްށެވެ.

ނަމަވެސް ހަމާސްއިން މިބަޔާންވަނީ ދޮގުކޮށް މިއީ އިސްރާއީލުގެ ކަމާބެހޭ ފަރާތްތަކުން އެމީހުންގެ "ހުތުރު ޖަރީމާތައް" ފޮރުވުމަށް ދޮގު ހަދަމުންދާ ކަމަށް ބުނެފައެވެ.

ހައްދުފަހަނަ އަޅާފައިވާ އިސްރާއީލުން ޣައްޒާއާ ދެކޮޅަށް ކުރިއަށްގެންދަމުންދާ ގަތުލުއާންމުގައި މިހާތަނަށް 40،988 މީހުން ވަނީ ޝަހީދުކޮށްލާފައެވެ. އަދި 94،825 މީހުން ވަނީ ޒަހަމްކޮށްލާފައެވެ.