އިޒްރޭލަށް ހަތިޔާރު އެކްސްޕޯޓްކުރާ އިންޑިއާގެ ކުންފުނިތަކަށް ލައިސަންސް ދިނުން ހުއްޓުވުމަށް އިންޑިއާގެ ސުޕްރީމް ކޯޓަށް ހުށަހެޅި މައްސަލަ ބޭރުކޮށްލައިފި އެވެ.

"ގައުމުގެ ހާރިޖީ ސިޔާސަތުގެ ތެރެއަށް ނުވަދެވޭނެ،" އެ މައްސަލަ ބޭރު ކޮށްލަމުން އިންޑިޔާގެ އުއްތަމަ ފަނޑިޔާރު ޑީވައި ޗަންޗޫޑާއި އިތުރު ދެ ފަނޑިޔާރުންގެ ބެންޗުން ހޯމަ ދުވަހު ބުނެފައިވެއެވެ.
ފަނޑިޔާރުންގެ ބެންޗުން ބުނީ ހަތިޔާރު އެކްސްޕޯޓް ކުރުމުގައި ހަރަކާތްތެރިވާ އިންޑިއާގެ ކުންފުނިތަކުގެ މައްޗަށް ކޮންޓްރެކްޓްގެ މަސްއޫލިއްޔަތުތަކާ ހިލާފުވުމުގެ ދައުވާ ކުރެވިދާނެ ކަމަށާއި އެހެންކަމުން އެ ކުންފުނިތަކަށް ސަޕްލައި ކުރުން ނުހުއްޓުވޭނެ ކަމަށެވެ.

ގާތްގަނޑަކަށް ޑަޒަނެއްހާ މީހުން މި މަހު ހުށަހެޅި ޕަބްލިކް އިންޓްރެސްޓް ލިޓިގޭޝަންގައި ބުނެފައި ވަނީ ހަނގުރާމައިގެ ކުށްތައް ސާބިތުވާ ގައުމުތަކަށް އަސްކަރީ ހަތިޔާރު ފޯރުކޮށް ނުދިނުމަށް އިންޑިއާއިން ތަބާވާ ބައިނަލްއަގުވާމީ އެކި ގާނޫނުތަކާއި މުއާހަދާތަކުގެ ދަށުން އިންޑިއާ އަށް ލާޒިމްކުރާ ކަމަށާއި، އެއްވެސް އެކްސްޕޯޓަކީ ބައިނަލްއަގުވާމީ އިންސާނީ ގާނޫނާ ހިލާފަށް ބޭނުންކުރެވިދާނެ ކަމެއް ނޫން ކަމަށެވެ.

މީގެ ކުރިން އިންޑިއާގެ ރައްޔިތުން ވަނީ އެގައުމުގެ ޑިފެންސް މިނިސްޓަރަށް ސިޓީއެއް ފޮނުވައި، އެކްސްޕޯޓްކުރާ ފަރާތްތަކަށް އިސްރާއީލަށް ހަތިޔާރު ފޮނުވޭނެ ގޮތަށް ލައިސަންސް ދިނުމުގެ މަސައްކަތް ހުއްޓާލުމަށް ގޮވާލާފައެވެ.

އިސްރާޢީލްގެ ނިރުބަވެރި ހަމަލާތަކުގެ ސަބަބުން ފަލަސްޠީނުގެ 41،000 އެއްހާ މީހުން ޝަހީދުކޮށްލާފައިވާއިރު، އޭގެ ތެރޭގައި ގިނައީ އަންހެނުންނާއި ކުޑަކުދިން ކަމަށާއި، ގާތްގަނޑަކަށް 94،761 މީހުން ޒަޚަމްވެފައިވާކަމަށް އެޤައުމުގެ ޞިއްޙީ އިދާރާތަކުން ބުނެއެވެ.

މި ހަލަާތަށްދޭން ބޭނުން ކުރަނީ އިންޑިޔާ އާއި އެމެރިކާ ފަދަ ގައުމިތަކުން ފޮނުވާ ހަތިޔާރު ބޭނުންކޮށްގެންނެވެ.