ދެކުނު އިންޑިއާގައި ހުންނަ ސެމްސަންގް އިލެކްޓްރޯނިކްސްގެ ފެކްޓްރީގައި މުސާރަ ބޮޑުކުރުމަށް އެދި، އެތާންގެ މުވައްޒަފުން ހަޅުތާލު ކުރިއަށްގެންދާތާ ދެ ދުވަސްވެފައިވާ ކަމަށް ބޭރުގެ މީޑިއާތަކުން ބުނެފިއެވެ.
މި ހަޅުތާލުގެ ސަބަބުން ފެކްޓްރީގެ މަސައްކަތްތައް ވަނީ ހުއްޓުމަކަށް އައިސްފައިވެއެވެ.
ސެމްސަންގްގެ އިންޑިއާގެ ދެ ފެކްޓްރީގެ ތެރެއިން ކުޑަ މި ފެކްޓްރީއަކީ އެ ކުންފުނީގެ މަޝްހޫރު ސްމާޓްފޯންތަކުގެ ބަދަލުގައި އިލެކްޓްރޯނިކް އުފެއްދުންތައް އުފައްދަ ތަނެކެވެ
ނަމަވެސް އިންޑިއާގައި އެ ކުންފުންޏަށް އަހަރަކު ލިބޭ 12 ބިލިއަން ޑޮލަރުގެ އާމްދަނީގެ 20 ޕަސެންޓާއި 30 ޕަސެންޓާ ދެމެދުގެ ހިއްސާއެއް އަދިވެސް ހިއްސާކުރަނީ އެ ކުންފުނިން ކަމަށް މައުލޫމާތު ލިބިފައިވާ ދެ ފަރާތަކުން ވަނީ ބުނެފައެވެ.
ފެކްޓްރީގެ ދުވާލެއްގެ މައްޗަށް އުފައްދާ އުފެއްދުންތެރިކަމުގެ ދެބައިކުޅަ އެއްބަޔަށް ބުރޫ އަރާފައި ވަނީ ހޯމަ ދުވަހު ގިނަ އަދަދެއްގެ މަސައްކަތްތެރިން މަސައްކަތް ނުކުރުމުން ކަމަށް ވެސް މީޑިއާތަކުން ވަނީ ބުނެފައެވެ.
ސެމްސަންގްގެ 1,800 މުވައްޒަފުންގެ ތެރެއިން ގާތްގަނޑަކަށް ދެބައިކުޅަ އެއްބައި މީހުން މިހާރު ހަޅުތާލުގައި ބައިވެރިވެފައިވާ ކަމަށް ވަނީ ބުނެފައެވެ.
މި ހަޅުތާލަށް އިންޑިއާގެ ބައެއް ސިޔާސީ ލީޑަރުންވެސް ތާއީދުކޮށް، ބައިވެރިވެފައިވެއެވެ.
Advertisement
This content is created and paid for by advertisers and does not involve Voice Journalists
