ހައްދުފަހަނަ އަޅާފައިވާ އިސްރާއީލުން ޣައްޒާގައި ހިންގަމުދާ ގަތުލުއާންމުގައި ރޭ ޚާން ޔޫނިސްގެ އަލް-ގަރާ އާއިލާއަށް ނިސްބަތްވާ ގެއަކަށް ހަމަލާދީ 13 މީހުން ޝަހީދުކޮށްލާފައިވާ ކަމަށް އަލް-ޖަޒީރާއިން ބުނެފިއެވެ.

މީޑިއާތަކުގައި އާންމުކޮށްފައިވާ ފޮޓޯތަކުން ފެންނަގޮތުގައި މި ހަމަލާގައި ގިނައިން ޝަހީދުކޮށްލާފައިވަނީ ކުޑަކުދިންނާއި އަންހެނުންނެވެ.

އަދި މީގެ އިތިރުން ރޭ ޣައްޒާގެ އުތުރުގައި އޮންނަ ޖަބަހިއާ ކޭންޕުގެ އަލް-ނަޖާރް އާއިލާއަށް ނިސްބަތްވާ ގެއަކަށް ދިން ހަމަލާގައިވަނީ 9 މީހުން ޝަހީދުކޮށްލާފައެވެ.

މީގެ ތެރޭގައި މަންމަ އާއި އޭނާގެ 6 ދަރިން ހިމެނެއެވެ.

ހައްދިފަހަނަ އާޅާފާފައިވާ އިސްރާއީލުން ކުރިއަށްގެންދާ ގަތުލޫއާންމަށް 11 މަސްވެފައިވާއިރު މިހާތަނަށް 41,020 އަށްވުރެ ގިނަ މީހުނަ ޝަހީދުކޮށްލާފައެވެ އަދި 94,925 އަށްވުރެ ގިނަ މީހުން ޒަހަމަކޮށްލާފައެވެ.