ހުޅުމާލޭގައި ކާރަކާއި ސައިކަލެއް ޖެހި އެކްސިޑެންޓެއް ހިނގައިފިއެވެ.
ފުލުހުން ބުނީ، މިއަދު ހުޅުމާލޭ ފޭސް 1 އާއި 2 ގުޅުވާލާ ބްރިޖް ކައިރީގައި ކާރަކާއި ސައިކަލެއް ޖެހި އެކްސިޑެންޓެއް ހިނގައިފައިވާ ކަމަށެވެ.
އަދި މި ހާދިސާގައި ސައިކަލު ދުއްވި ފަރާތުގެ ގައިގައި އެކި ތަންތަނުގައި ހަންމެށި އަނިޔާވެފައިވާ ކަމަށް މަޢުލޫމާތު ލިބިފައިވާ ކަމަށެވެ.
މި އެކްސިޑެންޓާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުންނެވެ. އަދި މި ހާދިސާގެ ތަފްސީލު އަދި ހާމަކޮށްފައެއް ނުވެއެވެ.
ފާއިތުވި ދުވަސްތަކުގެ ތެރޭގައި ހުޅުމާލޭގައި އެކްސިޑެންޓް ހިނގާ މިންވަރު އަންނަނީ އިތުރުވަމުންނެވެ. މިކަމާ ގުޅިގެން ރައީސް ޑރ. މުހައްމަދު މުޢިއްޒު ވަނީ ހަރުކަށި ފިޔަވަޅުތަކެއް އަޅުއްވަން ނިންމަވާފައެވެ. އަދި މި ފިޔަވަޅުތައް ތަންފީޒު ކުރައްވާނެކަމުގެ ޔަޤީންކަން ފުލުހުންގެ ފަރާތުންވެސް ވަނީ ދެއްވާފައެވެ.
މަގުމަތީގެ ހާދިސާތައް އިތުރުވަމުންދާތީ، ދުއްވާ އެއްޗެހި ދުއްވުމުގައި ސަމާލުވުމަށް ފުލުހުން ވަނީ އާންމުންނަށް އިލްތިމާސްކޮށްފައެވެ. އަދި ޓްރެފިކް ގަވާއިދުތަކަށް ފުރިހަމައަށް ޢަމަލުކުރުމަށް އެންމެހާ ފަރާތްތަކަށް އިލްތިމާސްކޮށްފައިވެއެވެ.
Advertisement
This content is created and paid for by advertisers and does not involve Voice Journalists
