އިންޑިއާގެ މަނިޕޫރުގައި އެ ސްޓޭޓްގެ ދަރިވަރުން ކުރަމުން އަންނަ މުޒާހަރާތައް ހޫނުވެ ހަމަނުޖެހުންތައް ހިންގަން ފެށުމުގެ ސަބަބުން ކާފިއު އިއުލާންކޮށް އިންޓަނެޓުގެ ހިދުމަތް ކަނޑާލައިފިއެވެ.
މަނިޕޫރުގައި ދަރިވަރުން އިސްވެ މުޒާހަރާތައް ކުރިޔަށް ގެންދަނީ އެ ސްޓޭޓްގައި ދީނީ ތަފާތުކުރުން ގެންގުޅޭކަމަށް ބުނެއެވެ.
އެގޮތުން ތައުލީމު ހާސިލް ކުރުމަށާއި ވަޒީފާގެ ފުރުސަތުތައް ދިނުމުގައި އެކި ދީންތަކުގެ މެދުގައި ތަފާތުކުރުން ބޮޑުކަމަށް މުޒާހަރާ ލީޑުކުރާ ފަރާތްތަކުން ވަނީ ތުހުމަތު ކުޮށްފައެވެ.
މަނިޕޫރުގެ ހޯމް މިނިސްޓްރީން ވަނީ މުޒާހަރާތައް ހުއްޓުވުމާއި އެ ސްޓޭޓްގެ އަމަން އަމާންކަން ގާއިމުކުރުމަށް މިދިޔަ އަންގާރަ ދުވަހުން ފެށިގެން ފަސް ދުވަހުގެ މުއްދަތަކަށް އިންޓަނެޓާއި މޯބައިލް ޑާޓާގެ ހިދުމަތްވެސް މެދުކަނޑާލަން ނިންމާފައެވެ.
މި ހަމަނުޖެހުން ތަކާ ގުޅިގެން މިދިޔަ އަހަރުން ފެށިގެން މިހާތަނަށް 225 މީހުން މަރުވެ، 60،000 އެއްހާ މީހުން ވަނީ ގެދޮރު ގެއްލިފަ އެވެ.
Advertisement
This content is created and paid for by advertisers and does not involve Voice Journalists
