ހައްދުފަހަނަ އަޅާފައިވާ އިސްރާއީލުން ޣައްޒާގެ އުތުރުގައިހުންނަ ނުސީރަތު ކޭމްޕްގެ އަލް ޖައޫނީ ސްކޫލަށް އަމާޒުކޮށް ދިން ހަމަލާގައި 18 މީހުން ޝަހީދުކޮށްލައިފިއެވެ.
މީޑިއާ ރިޕޯޓްތައް ބުނާގޮތުގައި ޝަހީދުކޮށްލި މީހުންގެ ތެރޭގައި ޔުނައިޓެޑް ނޭޝަންސް އެޖެންސީ ފޯ ފަލަސްތީން ރެފިއުޖީސް (ޔޫއެންއާރުޑަބްލިއުއޭ)ގެ ހަ މުވައްޒަފަކު ހިމެނެއެވެ.
މި ނިރުބަވެރި ހަމަލާގައި ޝަހީދުކޮށްލާފައިވާ މީހުންގެ ތެރޭގައި އަންހެނުންނާއި ކުޑަކުދިން ހިމެނެއެވެ.
އަދި މީގެ އިތުރުން މި މަހުގައި ޣައްޒާގެ އުތުރުގެ ޖަބާލިއާގެ ހަލީމާ އަލް ސާދިޔާ ސްކޫލްގެ ކްލާސްރޫމަކަށް އަމާޒުކޮށް ހައްދުފަހަނަ އަޅާފައިވާ އިސްރާއީލުން ދިން ހަމަލާގައި ވަނީ 8 މީހުން ޝަހީދުވެ އެތައްބައެއް ޒަހަމްކޮށްލައިފިއެވެ.
އަދި މިދިޔަ މަހު ޣައްޒާގެ ސުކޫލަކަށަދިން ހަމަލާގައިވަނީ 100 އަށްވުރެ ގަނަ މީހުން ޝަހީދުކޮށްލާފައެވެ.
މިދިޔަ އަހަރު އޮކްޓޯބަރުމަހުން ފެށިގެން މިހާތަނަށް 41,020 އަށްވުތެ ގިނަ މީހުން ވަނީ ޝަހީދުކޮށްލާފައެވެ. އަދި 94,925 ވަނީ ޒަހަމަކޮށްލާފައެވެ.
Advertisement
This content is created and paid for by advertisers and does not involve Voice Journalists
