ދެކުނުގެ ރަށެއްގައި 18 އަހަރުން ދަށުގެ އަންހެން ކުއްޖަކަށް ޖިންސީ ގޯނާކުރި މައްސަލައެއް ބަލަމުންދާ ކަމަށް ފުލުހުން ބުނެފިއެވެ.
މިއަދުގެ ވަގުތެއްގައި ސައުތު ސެންޓްރަލް ޕޮލިސް (މ، ފ، ދ، ތ، ލ) ގައި ހިމެނޭ ރަށެއްގައި 18 އަހަރުން ދަށުގެ އަންހެން ކުއްޖަކަށް ޖިންސީ ގޯނާކުރި ކަމަށް ތުހުމަތުކުރެވޭ މައްސަލައެއް ރިޕޯޓްކޮށްފައިވާ ކަމަށް ފުލުހުން މަޢުލޫމާތު ދީފައިވާއިރު، ފުލުހުން ބުނީ މި މައްސަލަ ފުލުހުންނާއި ޖެންޑަރ މިނިސްޓްރީން ތަޙްޤީޤުކުރަމުން ދާކަމަށެވެ.
ނަމަވެސް، ކުޑަކުދިންނާ ގުޅޭ މައްސަލަތަކަކީ ސީރިއަސް މައްސަލަތަކަކަށް ވާތީ، ކުއްޖާގެ އައިޑެންޓިޓީ ރައްކާތެރިކުރުމުގެ ގޮތުން ކުއްޖާގެ އަތޮޅާއި ރަށް ހާމަނުކުރަން ނިންމާފައިވާ ކަމަށް ފުލުހުން ބުނެފައިވެއެވެ.
ދެކުނުގެ އަތޮޅެއްގެ ރަށެއްގައި ނުކުޅެދުންތެރިކަން ހުންނަ މީހަކަށް ޖިންސީ ގޯނާކުރި ތުހުމަތުގައި 57 އަހަރުގެ ދިވެހި ފިރިހެނަކު ވެސް މިދިޔަ ބުދަ ދުވަހު ހައްޔަރުކޮށްފައި ވެއެވެ. މި މީހާ ހައްޔަރުކޮށްފައިވަނީ ކޯޓު އަމުރެއްގެ ދަށުންނެވެ.
Advertisement
This content is created and paid for by advertisers and does not involve Voice Journalists
