ޣައްޒާގެ މެދުތެރޭގައިހުންނަ އަލް-ބުރައިޖް ކޭންޕުގެ ބޮލްކް 12 ގައި ހުންނަ އަބޫ ޝައުގާ އާއިލާއަށް ނިސްބަތްވާ ގެއަކަށް އަމާޒުކޮށް ހައްދުފަހަނަ އަޅާފައިވާ އިޒްރާއީލުން ދިން ނިރުބަވެރި ހަމަލާދީ 20 މީހުން ޝަހީދުކޮށްލައިފިއެވެ.

މި ހަމަލާ އަމަޒުކުރި ގޭގައި ގާތްގަންޑަކަށް 50 މީހުން ދިރިއުޅެމުން ދިޔަކަމަށް ޣައްޒާގެ ސިވިލް ޑިފެންސް އިންވަނީ ބުނެފައެވެ.

އަދި މިހަމަލާގައި ބައެއް އާއިލާތަށްވަނީ އެއްކޮށްނެތި ގޮސްފައެވެ.

Advertisement

އަދި މިގެ އިތުރުން ނޫސްވެރިއެއްވެސް މި ހަމަލާގައިވަނީ ޝަހީދުކޮށްލާފައެވެ.

މިދިޔަ ހަފަތާއިން ފެށިގެން އަލް-ބުރައިޖް ކޭމްޕަށް ނިރުބަވެރިން ދެމުންދާ ހަމަލާތަށް ވަނީ ވަރަށްބޮޑަށް އިތުރުކޮށްފައެވެ.

ހައްދުފަހަނަ އަޅާފައިވަ އިޒްރާއީލުން ޣައްޒާއަށް ދެމުންދާ ނިރުބަވެރި ހަމަލާތަކަށް 347 ދުވަސްވެފައިވާއިރު މިހާތަނަށް 41،252 މީހުންވަނީ ޝަހީދުކޮށްލާފައެވެ. 

އަދި 95،497 މީހިން ވަނީ ޒަހަމްކޮށްލާފައެވެ.

މިދިޔަ 24 ގަޑިއިރުތެރޭގައިވަނީ 26 މީހުން ޝަހީދުކޮށްލައި 84 މީހުން ޒަހަމްކޮށްލާފައެވެ.