ގަވާއިދާ ހިލާފަށް ރާއްޖޭގައި އުޅުނު 30 ބިދޭސީއަކު ޑީޕޯޓްކޮށްފިއެވެ.
ދިވެހިރާއްޖޭގެ ޤާނޫތަކާ ޤަވާއިދުތަކާ ޚިލާފަށް ރާއްޖޭގައި ދިރިއުޅެމުންދާ ބިދޭސީން ފޮނުވާލުމުގެ މަސައްކަތް އިމިގްރޭޝަނުން ކުރަމުން އަންނައިރު، އިއްޔެ އެކަނި ވެސް ވަނީ 30 ބިދޭސީން ރާއްޖެއިން ފޮނުވާލާފައެވެ. މިއީ އިމިގްރޭޝަނުގެ ބެލުމުގެ ދަށުގައި ތިބި ބިދޭސީންގެ ތެރެއިން ބައެކެވެ.
އިތުރު ބިދޭސީން އިމިގްރޭޝަނުގެ ބެލުމުގެ ދަށުގައި ތިބިއިރު އެމީހުންގެ މައްސަލަތައް ގެންދަނީ އެފަރާތުން ބަލަމުންނެވެ.
އިމިގްރޭޝަނުން ބުނީ މިއީ އިމިގްރޭޝަންގެ ގާނޫނު ތަންފީޒު ކުރާކަން ކަށަވަރު ކުރުމަށްޓަކައި މެދުނުކެނޑި ކުރަމުން އަންނަ މަސައްކަތުގެ ދަށުން އެޅި ފިޔަވަޅެއް ކަމަށެވެ. އެގޮތުން އިއްޔެ ޑީޕޯޓްކުރީ ބަންގްލަދޭޝް، ސްރީލަންކާ، އިންޑިއާ އަދި ނޭޕާލް މީހުންނެވެ.
ރާއްޖޭގެ އިމިގްރޭޝަން ޤާނޫނުތަކާ އެއްގޮތަށް ޢަމަލުކުރުމަށް އިމިގްރޭޝަނުން ބިދޭސީންނަށާއި، ބިދޭސީން ގެންގުޅޭ ފަރާތްތަކަށް ބާރުއަޅާއިރު، ޤާނޫނާ ޚިލާފުވާ ފަރާތްތަކާމެދު އެފަރާތުން ދަނީ ފިޔަވަޅު އަޅަމުންނެވެ. އަދި ބިދޭސީ މަސައްކަތްތެރިންނަށް، ރާއްޖޭގައި މަސައްކަތްކުރުމުގެ ހުއްދަ އާކުރުމާއި ވިސާގެ ޝަރުޠުތަކަށް ފުރިހަމައަށް ޢަމަލުކުރުމަށްވެސް އިމިގްރޭޝަނުން ގެންދަނީ ހަނދާންކޮށްދެމުންނެވެ.
Advertisement
This content is created and paid for by advertisers and does not involve Voice Journalists
