ޣައްޒާ ސިޓީގެ ޒައިތޫން ސަރަޙައްދުގައި ހުރި ސްކޫލަކަށް އަމާޒުކޮށް ހައްދުފަހަނަ އަޅާފައިވާ އިޒްރާއީލުން އިސްރާއީލުން އިއްޔެ ދިން ވައިގެ ހަމަލާގައި ޣައްޒާގެ 22 މީހަކު ޝަހީދުކޮށްލައިފިއެވެ.

ހައްދުފަހަނަ އަޅާފައިވާ އިޒްރާއީލުން މި ހަމަލާދިނީ ހަމާސްގެ ކޮމާންޑް އެންޑް ކޮންޓްރޯލް ސަރަހައްދެއް މި ސުކޫލުގައި ހުރި ކަމަށް ބުނެއެވެ.

އިސްރާއީލުން ދިން މި ހަމަލާގައި ޝަހީދިކޮށްލި ފަލަސްތީނުގެ ރައްޔިތުންގެ ތެރޭގައި 13 ކުޑަކުދިންނާއި ހަ އަންހެނަކާއި ތިން މަހުގެ ކުޑަ ކުއްޖަކު ވެސް ހިމެނެއެވެ. އަދި ދުނިޔެއަށް އުފަންނުވާ ކުޑަކުއްޖެއްވެސް ހިމެނެއެވެ. 

މި ހަމަލާގައި އިތުރު 30 މީހުން ޒަޚަމްވެފައިވާ ކަމަށާއި، އޭގެ ތެރޭގައި 9 ކުޑަކުދިން ހިމެނޭ ކަމަށްވެސް މީޑިއާ އޮފީހުން ބުނެފައިވެއެވެ.

މި ހަމަލާއާ ގުޅިގެން އެންމެ ބޮޑު ސަމާލުކަމެއް ލިބުނު އެއް ކަމަކީ ޝަހީދުވި އަންހެނެއްގެ ކައިރީގައި ބަނޑަށް ނުވަ މަސް ވެސް ނުވާ ކުޑަ ކުއްޖަކު ޝަހީދުވެފައި އޮއްވައި ފެނުމެވެ. އަންހެން މީހާގެ ހަށިގަނޑުގެ ބައިތައް ވަކިވި ވެފައިވާއިރު، ބަނޑުގައި އޮތް ދަރިފުޅު ވެސް އޮތީ ބޭރަގައެވެ.

ފަލަސްތީނުގެ މީޑިއާއަކުން އާންމުކޮށްފައިވާ ވީޑިއޯ ތަކުން ފެންނަ ގޮތުގައި ޝަހީދުވެފައިވާ އެ ކުއްޖާ ދަބަހަކަށްލާ މަންޒަރު ފެނެއެވެ.

މިދިޔަ އޮކްޓޯބަރު 7 އިން ފެށިގެން އިސްރާއީލުން ފަލަސްތީނުގެ ޣައްޒާ އަށް ދެމުން އަންނަ ހަމަލާތަކުގައި މިހާތަނަށް، 41،391 މީހަކު ވަނީ ޝަހީދުކޮށްލައިފައެވެ. އަދި އެ ހަމަލާތަކުގައި 95،760 މީހުން ޒަހަމްކޮށްލާފައިވެއެވެ. ވޭތުވެދިޔަ 72 ގަޑިއިރުގެ ތެރޭގައި ފަލަސްތީނުގެ 119 މީހަކު ޝަހީދުކޮށްލާފައިވާ ކަމަށް ޣައްޒާގެ ހެލްތު މިނިސްޓްރީން ވަނީ ހާމަކޮށްފައެވެ.