ފަލަސްތީނުގެ ހުޅަނގު އައްސޭރީގެ ރާމަﷲ ގައި ހުންނަ އަލް-ޖަޒީރާގެ އޮފީހަށް، އިސްރާއީލްގެ ސިފައިން ވަދެގަނެ، އެ ތަން ސުންނާފަތި ކުރަން ފަށައިފިއެވެ.

ރިޕޯޓުތަންނާއި މީޑިއާތަކުގައި އާންމުކޮށްފައިވާ ވީޑިއޯތަކުން ގެންނަގޮތުގައި އިސްރާއީލްގެ ސިފައިން ވަނީ އޮފީހަށް ވަދެގަނެ، އެ ތަނުގައި ހުރި ތަކެއްޗަށް ގެއްލުން ދީފައެވެ. އަދި އެ އޮފީސް ބަންދު ކުރުމަށް އިސްރާއީލް ސިފައިން އަމުރުކޮށްފައިވާ ކަމަށް ވެސް ރިޕޯޓުތައް ބުނެއެވެ.

އިސްރާއީލުގެ ސިފައިން ހިފާފައިވާ ހުޅަނގު އައްސޭރީގެ ރާމަﷲ ހުންނަ އަލްޖަޒީރާގެ އޮފީހަށް ހުކުރު ދުވަހު ވަދެ 45 ދުވަހުގެ މުއްދަތަށް ބަންދު ކުރުމުގެ އަމުރެއް ނެރެފައިވާ ކަމަށް ބޭރުގެ މީޑިޔާތަކުން ވަނީ ރިޕޯޓްކޮށްފަ އެވެ.

Advertisement

އަދި އޮފީސް ހުސްކުރުމަށް ދިނީ 10 މިނެޓުކަމަށްވެސް ރިޕޯޓުތަކުން ބުނެއެވެ.

ޣައްޒާގެ މީޑިއާ އޮފީހުގެ ބަޔާނުގައި އިސްރާއީލްގެ މި އަމަލު ކުށްވެރިކޮށް އެކި ފަރާތްތަކުން ބަޔާން ނެރުމަށް ގޮވާލައިފައެވެ. އަދި ދުނިޔޭގެ އެކިކަންކޮޅުތަކުގައި ތިބި ނޫސްވެރިންނާއި މީޑިއާތަކުން ވެސް އަލް-ޖަޒީރާއާ އެކުގައި ތިބި ކަން ހާމަކުރުމަށް ގޮވާލާފައިވެއެވެ.

އަލްއުމާރީއާ ހަވާލާދީ ބޭރުގެ ނޫސްތަކުން ރިޕޯޓްކޮށްފައިވާ ގޮތުގައި އިސްރާއީލު ސިފައިން ޓްރަކެއް ގެނައީ ލިޔެކިޔުންތަކާއި އާލާތްތަކާއި އޮފީސް މުދާ އަތުލުމަށެވެ.
އަލްޖަޒީރާގެ އޮފީސް ބަންދު ކުރުމުގެ އަމުރު ނެރުނު ސަބަބެއް ހާމަކޮށްފައި ނުވާ ކަމަށް އެ ނޫސް އެޖެންސީން ވަނީ ބުނެފައެވެ.