މާލޭގެ މަގުތަކުގައި ބޭނުން ނުކޮށް ގިނަ ދުވަސްވެފައިވާ 224 ސައިކަލު ޓޯކޮށްފި އެވެ.
މާލޭގެ މަގުތަކުން ބޭނުންކޮށް ގިނަ ދުވަސްވެ ބާވެފައިވާ އުޅަނދުތައް ނެގުމަށް މާލެ ސިޓީ ކައުންސިލާއި ފުލުހުންނާއި ލޯކަލް ގަވަމެންޓް މިނިސްޓްރީން ގުޅިގެން ފެށި ހަރަކާތުގައި މި އުޅަނދުތައް ޓޯކޮށްފައިވަނީ އިއްޔެ އެވެ.
އެއާއެކު އިއްޔެ ކުރެވުނު މަސައްކަތުން 224 ސައިކަލު ނަގައިފައިވާކަމަށް ކައުންސިލުން ވަނީ ބުނެފައެވެ.
މާލެ ސިޓީ ކައުންސިލުން ބުނީ މާލެ ސިޓީގެ މަގުތަކަކީ ސާފުތާހިރު ހިތްފަސޭހަ ތަނަކަށް ހެދުމަށް ކަމާ ގުޅުންހުރި އިދާރާތަކާއި ގުޅިގެން މަސައްކަތް ކުރަމުން އަންނަކަމަށެވެ. އެގޮތުން މަގުމަތީގައި ހުރި ދުވަސްވީ އުޅަނދުތައް ނަގާ މަގުމަތީގެ ރައްކާތެރިކަން ކަށަވަރުކުރުމަށް މަސައްކަތް ކުރަމުންދާކަމަށް ކައުންސިލުން ވަނީ ބުނެފަ އެވެ.
ސިޓީ ކައުންސިލުގެ މި ހަރަކާތާ ގުޅިގެން ކައުންސިލްގެ މީޑިއާ އޮފިޝަލު އައިމިނަތު ޝަތުފާ ޝަފީއު މީގެ ކުރިން ވިދާޅުވީ، މާލޭ މަގުތަކުގައި ބޭނުން ނުކޮށް ގިނަ އަހަރުތަކެއްވެފައިވާ ގިނަ އަދަދެއްގެ އުޅަނދުތައް ހުރިކަމަށް ކަމަށް ވަނީ ބުނެފައެވެ.
އޭގެ ތެރޭގައި އިންޖީނު ނެތް އުޅަނދުތައް ވެސް ހުރިކަމަށާއި އެވެހިކަލްތަކުގެ ސަބަބުން މަގުގެ ބޮޑު ބައެއް ބޭނުން ނުހިފި ގެއްލޭކަން އޭނާ ފާހަގަކުރެއްވިއެވެ.
މިއަހަރު ކުރީކޮޅުވެސް މާލެ ސިޓީ ކައުންސިލުން ވަނީ ފުލުހުންނާއި ޓްރާންސްޕޯޓް މިނިސްޓްރީއާއި ގުޅިގެން މާލޭގެ މަގުތަކުގައި ހުރި ދުވަސްވީ އުޅަނދުތައް ނަގާ ނައްތާލުމުގެ މަސައްކަތްކޮށްފަ އެވެ. އެފަހަރު ވަނީ ހަތަރު ފުރިޅުލީ އުޅަނދުތަކެއްވެސް ނަގާފަ އެވެ.
Advertisement
This content is created and paid for by advertisers and does not involve Voice Journalists
