29 ރަށެއްގެ ކައުންސިލަށް އެސްޖީން ހޯދަން ސިވިލް ސަރވިސް ކޮމިޝަނުން އިޢުލާންކޮށްފިއެވެ.

ސިވިލް ސާވިސް ކޮމިޝަނުން ކުރި އިއުލާނުގައި ވާ ގޮތުން އެސްޖީން ހޯދާ ރަށްތަކަކީ؛

ހއ. ވަށަފަރު، މުރައިދޫ،

ށ. ފޭދޫ، މަރޮށި، ފީވަށް

ރ. ވާދޫ، ރަސްމާދޫ،

ބ. ފުޅަދޫ، ފެހެންދޫ، ހިތާދޫ

ކ. ތުލުސްދޫ

އއ. މާޅޮަސް

އދ. ދިއްދޫ، މަހިބަދޫ، ހަންޏާމީދޫ

ވ. ތިނަދޫ، ރަކީދޫ

ފ. ދަރަނބޫދޫ، ނިލަންދޫ

ދ. ކުޑަހުވަދޫ، މާއެނބޫދޫ

ތ. ގާދިއްުށި، ތިމަރަފުށި

ލ. ދަނބިދޫ

ގއ. ކޮލަމާފުށި، ދެއްވަދޫ

ކޮމިޝަނުން ހާމަކުރި ގޮތުގައި މުސާރަ ކަނޑައަޅާފައިވަނީ ތަޢުލީމީ ފެންވަރާއި ތަޖުރިބާއަށް ބަލައި ދެ ކެޓަގަރީއަކަށެވެ. ދަށް މުސާރައިގެ ކެޓަގަރީގައި އަސާސީ މުސާރައަކީ 8،835 ރުފިޔާ އަދި އެގްޒެކެޓިވް އެލަވަންސަކީ 6،450 ރުފިޔާއެވެ. މަތީ މުސާރައިގެ ކެޓަގަރީގައި އަސާސީ މުސާރައަކީ 9،300 ރުފިޔާ އަދި އެގްޒެކެޓިވް އެލަވަންސަކީ 6،800 ރުފިޔާއެވެ.

ވަޒީފާއަށް ކުރިމަތިލެވޭ ޝަރުޠުތަކުގެ ތެރޭގައި ތަފާތު ތަޢުލީމީ ފެންވަރުތަކާއި މަސައްކަތުގެ ތަޖުރިބާގެ މުއްދަތުތައް ހިމެނެއެވެ. މަޤާމަށް ޝައުޤުވެރިވާ ފަރާތްތަކުން 29 ސެޕްޓެމްބަރުގެ މެންދުރު 2:00 ގެ ކުރިން ހުށަހަޅަންޖެހޭ ލިޔެކިޔުންތައް ހުށަހަޅަން އެއިއުލާންގައި އެދިފައިވެއެވެ. އަދި ވަޒީފާއަށް އެދޭ ފޯމާއި ލިޔުންތައް އީމެއިލް [email protected] މެދުވެރިކޮށްވެސް ހުށަހެޅޭނެ ކަމަށް ކޮމިޝަނުން ބުނެފައިވެއެވެ.