ހަރްދީޕް ސިންގް ނިއްޖާރް މަރާލި މައްސަލައާ ގުޅިގެން އުފެދުނު މައްސަލަތަކަށްފަހު އަނެއްކާވެސް އިންޑިއާ އާއި ކެނެޑާ, ދެޤައުމުން ހިފައިގަނެފިއެވެ.

މި މައްސަލާގައި މިއަދު އިންޑިއާގެ އެކްސްޓަރނަލް އެފެއާޒް މިނިސްޓްރީން ނެރެފައިވާ ބަޔާނެއްގައި ބުނެފައިވަނީ، ނިއްރާޖް މައްސަލާގައި ކެނެޑާއިން އަނެއްކާވެސް އިންޑިއާގެ ޑިޕްލޮމެޓުންނާމެދު ސައްކުގެ ނަޒަރިއްޔާތުން ބަލާފައިވާކަމަށެވެ.

ކެނެޑާގެ އެ އަމަލުތައް ގަބޫލު ނުކުރެވޭނޭކަމަށް އިންޑިއާއިން ވަނީ ބުނެފައެވެ.

Advertisement

އިންޑިއާގެ އެކްސްޓަރނަލް މިނިސްޓްރީން ބުނީ، ކެނެޑާ ސަރުކާރުގެ އަމަލުތައް އެގޮތަށް ހުންނަކަމަށް ވާނަމަ، އެޤައުމުގައި ތިބި އިންޑިއާގެ ޑިޕްލޮމެޓުން އަނބުރާ ގެންނަން ޖެހިދާނޭ ކަމަށެވެ. 

ކެނެޑާ އާއި އިންޑިއާ އާ ދެމެދު ރުޅިވެރިކަން އުފެދުނީ ކެނެޑާގައި ދިރިއުޅެމުން އަންނަ އިންޑިއާގެ ސިކް ދީނުގެ ދަރިކޮޅު މީހެއްކަމަށްވާ ހަރްދީޕް ސިންގް ނިއްޖާރް ބަޑިޖަހައި މަރާލުމާ ގުޅިގެންނެވެ. މި މައްސަލާގައި ކެނެޑާ ސަރުކާރުން ވަނީ، ނިއްޖާރް މަރުގެ މައްސަލާގައި ކެނެޑާގައި ތިބި އިންޑިއާގެ ބައެއް އޮފިޝަލުންގެ އަތެއްވާކަމަށް ތުހުމަތުކޮށްފައެވެ.

މައްސަލާގައި އިންޑިއާއިން ވަނީ ކެނެޑާއިން ތުހުމަތުކުރާ ކަންތައްތަކުގެ ކިތާބީ ހެކި ދައްކައިފިނަަ، އެޤައުމުގައި ތިބި އިންޑިއާގެ ހުރިހާ ޑިޕްލޮމެޓުން ބާލާނޭކަމަށް ބުނެފައެވެ.

ކެނެޑާ އާއި އިންޑިއާ ދެ ޤައުމުގެ ދެމެދު އުފެދުނު ނުތަނަވަސްކަމުގެ ތެރޭގައި ކެނެޑާއިން ވަނީ އިންޑިއާގެ ރައްޔިތުންނަށް ވިސާ ދޫކުރުމުގައިވެސް ދަތިކޮށްފައެވެ.