ގަސްތުގައި ދޮގުމައުލޫމާތު ފަތުރަމުންދިއުމުގެ ސަބަބުން ޑިމޮކްރަސީއަށް އެކަމުގެ ގޮންޖެހުންތައް ކުރިމަތިވަމުން އަންނަކަމަށް ރައްޔިތުން މަޖިލީހުގެ ރައީސް އަބްދުއްރަޙީމް އަބްދުﷲ ވިދާޅުވެއްޖެއެވެ.
ޢަބްދުއްރަހީމް މިހެން ވިދާޅުވެފައިވަނީ ސްވިޒަލޭންޑުގެ ޖެނިވާގައި ކުރިއަށްދާ އައިޕީޔޫގެ 149 ވަނަ އެސެންބްލީގައި ތަގުރީރުކުރައްވަމުންނެވެ.
ޢަބްދުއްރަހީމް ވިދާޅުވީ، ދޮގު މައުލޫމާތާއި، އަސްލެއްނެތް ވާހަކަތައް ފެތުރުމަކީ އެކަމުގެ ސަބަބުން ޑިމޮކްރަސީއަށް ގޮންޖެހުންތައް ކުރިމަތިލާންޖެހޭ ކަމެއް ކަމަށާއި، އެކަމުން ސަލާމަތްވުމުގައި ޤާނޫނު ހަދާ މަޖިލީހުގެ ރޯލެއް އެބައޮތް ކަމަށެވެ. އެގޮތުގެ މަތިން އެފަދަ ގޮންޖެހުންތަކުން ރައްކާތެރިވުމަށްޓަކައި އައު އީޖާދުތައް އެކުލަވާލައި، އެކަމަށް ބޭނުންވާ ޤަވާއިދުތައް އެކުލަވާލުމުގެ މުހިއްމުކަން ބޮޑުކަމަށެވެ.
މި ބައްދަލުވުމުގައި ވާހަކަދައްކަވަމުން ޢަބްދުއްރަހީމް ވިދާޅުވީ، އިޔާދަކުރަނިވި ހަކަތަ ބޭނުންކޮށް ޒަމާނީ ޓެކްނޮލޮޖީގެ ތަރައްޤީއަށް ވާސިލްވުމަށް އަދުގެ ސަރުކާރުން ގިނަ މަސައްކަތްތަކެއް ކުރަމުންގެންދާކަމަށެވެ. އެކަމަށް ސަރުކާރުން ސިޔާސަތުތަކެއް އެކުލަވާލައި ކަނޑައެޅިފައިވާ އަމާޒަށް ވާސިލްވުމަށް މަސައްކަތް ކުރަމުންދާކަމަށްވެސް ވިދާޅުވިއެވެ.
އައިޕީޔޫގެ 149 ވަނަ އެސެންބްލީގައި މަޖިލީހުގެ ރައީސް ދެއްކެވި ވާހަކަފުޅު
މޫސުމަށް އަންނަ ނޭދެވޭ ބަދަލުތަކުގެ ސަބަބުން ރާއްޖެ ފަދަ ޤައުމުތަކަށް ނޭދެވޭ އަސަރުތައް ކުރަމުންދާކަމަށާއި، ރާއްޖެ ފަދަ ޖަޒީރާ ޤައުމުތަކުގެ ތަރައްޤީ އާއި ތަހުޒީބުކަން ގެނައުމަށް ޒަމާނީ ޓެކްނޮލޮޖީގެ މުހިއްމުކަން މަޖިލީހުގެ ރައީސް އަބްދުއްރަޙީމް އަބްދުﷲ ފާހަގަކުރެއްވިއެވެ.
Advertisement
This content is created and paid for by advertisers and does not involve Voice Journalists
