ޒުވާނުންނަށް އަމާޒުކޮށްގެން ކުރިއަށް ގެންދާ އަލް ޢަސްރުގެ ޔެޕް (ޔޫތް އެމްޕަވަމަންޓް ޕްރޮގްރާމް) "YEP by Al Asr" ޕްރޮގްރާމްގައި ބައިވެރިވުމުގެ ފުރުސަތު ހުޅުވާލައިފިއެވެ. 

ޔެޕް އަކީ ޒުވާނުންގެ ތެރެއިން ލީޑަރުން ބިނާކުރުމަށާއި ޒުވާނުން ބާރުވެރި ކުރުމަށް ހިންގޭ ތަފާތު ޕްރޮގްރާމެކެވެ.

މި ޕްރޮގްރާމްގައި ބައިވެރިވާން ބޭނުންވާ ފަރާތްތަކުން ފުރިހަމަ ނަމާއި، އުމުރު އަދި ގުޅޭނެ ނަންބަރެއް، ވައިބާ މެދުވެރިކޮށް 7925277 އަށް ފޮނުވުމަށް އަސްރުން އެދެއެވެ. އަދި ދޫކުރުމަށް ހަމަޖެހުފައިވަނީ 20 ޖާގަ ކަމަށްވެސް ބުންޏެވެ. 

Advertisement

އަލް އަސްރުން އިތުރަށް ބުނީ، މިފަހަރުގެ ޕްރޮގްރާމް އޮންނާނީ، މާދަމާރޭ 20:00 އިން 23:00 އަށް ކަމަށެވެ. ސެޝަން ކުރިއަށް ދާނީ ރޭގަނޑުގެ ކެއުމާވެސް އެކުގައި ކަމަށް އެ ޖަމިއްޔާއިން މައުލޫމާތު ދެއެވެ.

މިފަހަރުގެ ސެޝަނުގެ މައުލޫއަކަށް ކަނޑައަޅާފައިވަނީ، ”އޭއައި އެން މެޝިން ލާނިންގ“ އެވެ. އަދި ސެޝަން ނަގައިދެއްވާނީ ޖަވާބު އެކަޑެމީގެ މުޙައްމަދު ޖައިލަމެވެ. 

ޔެޕްގެ ސެޝަންތައް ކުރިއަށްދާނީ ސީރީޒެއްގެ ގޮތުގައި ކަމަށާ އަދި ކޮންމެ މަހަކުވެސް ޔެޕްގެ 1 ޕްރޮގްރާމް ކުރިއަށްދާނެ ކަމަށް ވެސް އަލް އަސްރުން ބުނެފައިވއެވެ.

އެގޮތުން މިދިޔަ މަހުވެސް ޔެޕްގެ ސެޝަނެއް ވަނީ ކުރިއަށް ގެންގޮސްފައެވެ. 

ޔެޕް ޕްރޮގްރާމަކީ ޒުވާނުންގެ ހުނަރުތައް ތަރައްޤީކޮށް، އަމިއްލަ ނަފްސަށް އިތުބާރު އުފެއްދުމަށް އަމާޒުކޮށްގެން ކުރިއަށްގެންދާ ޕްރޮގްރާމެކެވެ.