ޕްރޮގްރެސިވް ޕާޓީ އޮފް މޯލްޑިވްސް، ޕީޕީއެމްގެ ނައިބު ރައީސްކަމަށް ޚާރިޖީ ވަޒީރު ޢަބްދުﷲ ހަލީލް އަދި ސެކެރެޓަރީ ޖެނެރަލްއަކަށް އިބްރާހީމް ޢަބްދުއްރައްޒާޤް އިންތިހާބުކޮށްފިއެވެ.
ސަރުކާރު ހިންގާ ޕީއެންސީ ކޯލިޝަނުގައި ހިމެނޭ، ޕީޕީއެމްގެ ނައިބްރައީސް އާއި އެސްޖީގެ މަގާމަށް ބޭފުޅުން އައްޔަނުކޮށްފައިމިވަނީ، މިއަދު ބޭއްވި ސެނެޓް ބައްދަލުވުމުގެ ތެރެއިންނެވެ. ޕީޕީއެމްގެ ނައިބްރައީސް ކަމުގެ މަޤާމަށް ހަލީލް އަދި އައިޖީއެމްއެޗްގެ ސީއީއޯކަމުގެ މަގާމުގައި ހުންނެވި ޢަބްދުއްރައްޒާޤް އައްޔަނުކޮށްފައިވަނީ ބައިވެރިވި ވަޑައިގެންނެވި މެމްބަރުންގެ އިއްތިފާގުންނެވެ.
ހުސްވެފައިވާ ނައިބުގެ މަޤާމަށް ހަލީލް އައްޔަނުކުރިއިރު، ކުރިން އެމަގާމުގައި ހުންނެވީ ރައީސް ޑރ.މުއިއްޒުއެވެ. އެ ޕާޓީގެ އެސްޖީގެ މަގާމުގައި ކުރިން ހުންނެވީ ތޮލާލެވެ.
ޕީޕީއެމް ސެނެޓް ބައްދަލުވުމެއް ބާއްވާފައިމިވަނީ ސެނެޓްގެ ބައްދަލުވުމެއް ނުބާއްވާތާ ގިނަ ދުވަސްތަކަކަށްފަހުގައެވެ.
ޕީޕީއެމްގެ ލީޑަރޝިޕަށް މިއަދު އައްޔަނުކުރި މެމްބަރުންނާއެކު މިހާރު އެޕާޓީގެ ނައިބުންގެ ގޮތުގައި ތިއްބަވާނީ ފިޝަރީޒް މިނިސްޓަރު ޝިޔާމް އާއި ދިފާއީ ވަޒީރު ގައްސާން މައުމޫނެވެ.
Advertisement
This content is created and paid for by advertisers and does not involve Voice Journalists
