އޮލިމްޕަހުގައި ފުރަތަމަ ފަހަރަށް ދައްކަންފެށި ބިރުވެރި/މަޖާ ފިލްމް "ބިބީ" ގެ އެންމެ ފަހު ޝޯ މިރޭ ދެއްކުމަށް ތައްޔާރުވެއްޖެއެވެ.
ވޮއިސްއަށް މައުލޫމާތު ހިއްސާކުރަމުން ބިބީގެ ޕްރޮޑަކްޝަން ހައުސްގެ ވެރިޔާ އަދި ޕްރޮޑިއުސަރު، މުހައްމަދު އަލީ (މޮގަ) ބުނީ، އޮލިމްޕަހުގައި ފިލްމު ދެއްކުމަށް ލިބުނު އެންމެ ފަހު ރެއަކީ މިރޭ ކަމަށާއި، އެންމެ ފަހު ޝޯގެ ޓިކެޓް މިހާރު ވިއްކަމުންދާކަމަށެވެ.
ބިބީ އޮލިމްޕަހުގައި ދައްކަން ފަށާފައިވަނީ މިމަހުގެ 7 ވަނަ ދުވަހުގެ ރެއެވެ. ފިލްމް ދައްކަން ފެށިފަހުން ބެލުންތެރިންގެ ބޮޑު ތާރީހެއް ލިބިފައިވާއިރު، ރިވިއުތަކުން ފެންނަގޮތުގައި ބެލުންތެރިން ވަނީ މި ފިލްމް ވަރަށްބޮޑަށް ބަލައިގަނެފައެވެ.
އެގޮތުން ދިވެހި ސިނަމާއަށް އައި ފުރަތަމަ ހެއްވާ މަޖާ/ބިރުވެރި ފިލްމަށް ވުމުން ބެލުންތެރިން ވަނީ މި ފިލްމް ކިތަންމެހާވެސް ރަނގަޅަކަށް ބަލައިގަނެފައިކަން ސޯޝަލް މީޑިއާގައި މީހުން ފާޅުކޮށްފައިވާ ޝުއޫރުތަކަށް ބަލާލުމުން އެނގެއެވެ.
ގިނަ ބަޔަކު ބުނެފައިވަނީ މި ފިލްމަކީ ދިވެހި ސިނަމާއަކުން މިހާތަނަށް ފެނުނު އެންމެ ތަފާތު ފިލްމު ކަމަށެވެ. އެގޮތުން ފިލްމްގެ ވާހަކަ އަދި ޑައިރެކްޝަނުގެ ރަނގަޅުކަން ގިނަ ބަޔަކުވަނީ ފާހަގަކޮށްފައެވެ.
ފިލްމުގެ މެއިން ކާސްޓުންގެ ގޮތުގައި ފެނިގެން ގޮސްފައިވަނީ، އެކްޓަރު ޝަރަފު އަބްދުﷲ އާއި މަރިޔަމް މަޖުދާ (މަޖޫ) އެވެ. މި ފިލްމުން ތަޖުރިބާކާރު ފިލްމީތަރި ޝީލާ ނަޖީބުގެ އިތުރުން އިތުރު ތައާރަފަކަށް ބޭނުންނުވާ، އަހުމަދު ސައީދު، މަލީހާ ރަޒާން ރާމިޒުވެސް ފެނިގެންދިޔައެވެ. އަދި ހާއްސަ ފެނިލުމެއްގެ ގޮތުން ދިވެހި އެތައް ފިލްމަކުން ފެނިގެންދިޔަ ކުޅަދާނަ އެކްޓަރު އިސްމާއީލް ވަޖީހުވެސް މި ފިލްމުން ފެނިގެންދިޔައެވެ.
ބިބީގެ ޓިކެޓް އޮލިމްޕަހުން މިހާރު ވިއްކަމުންދާއިރު، ޑާކްރެއިނުން ވަނީ އޮލިމްޕަހަށް ނުގޮސްވެސް ޓިކެޓް ގަނެވޭނޭ އިންތިޒާމް ހަމަޖައްސާފައެވެ. "ބިބީ" ގެ ހޮޓްލައިން ނަމްބަރު 9911229 އަށް ވައިބާ /ވަޓްސްއަޕް މެދުވެރިކޮށް މެސެޖް ކޮށްލުމުން ބޭނުންވާ ޝީޓެއް ޓިކެޓް ނެގުމަށް، އޮންލައިނުކޮށް ޓިކެޓަށް ފައިސާ ދައްކާލެވޭނެއެވެ.
Advertisement
This content is created and paid for by advertisers and does not involve Voice Journalists
