ތ އަތޮޅު ވޭމަންޑޫގައި ދައުލަތުގެ ބެލުމުގެ ދަށުގައި ތިބި ކުދިން އެންމެފަހުން އެހެން ރަށަކަށް ބަދަލުކޮށްފިއެވެ.
ވޭމަންޑޫ މަރުކަޒުގައި ދައުލަތުގެ ބެލުމުގެ ދަށުން ބައިތިއްބާފައި ތިބި ކުދިން އެހެން ރަށަކަށް ބަދަލުކޮށްފައިމިވަނީ އެ މަރުކަޒުގައި ހުންނަ ކުއްޖެއްގެ ފަރާތުން އެތަނުގައި މަސައްކަތްކުރާ މުއައްޒަފަކަށް ހަމަލާދީ އަދި އެ ކުއްޖާގެ ސަބަބުން ރަށުގެ އެހެންކުދިންނަށްވެސް އެކި ކަހަލަ ކަންކަމާ ކުރިމަތިވަމުންދާތީވެ، ރަށުގެ ރައްޔިތުންގެ ބަޔަކު އެކަމާ ދެކޮޅަށް ކުރިއަށްގެންދިޔަ އިހުތިޖާޖުތަކާ ގުޅިގެންނެވެ.
އެ މައްސަލާގައި ވެމަންޑޫގެ ބައެއް ރައްޔިތުން ނިކުމެ އެކިފަހަރުމަތިން ވަނީ އިހުތިޖާޖުކުރުންވެސް ކުރިއަށްގެންގޮސްފައެވެ. މައްސަލަ މިފަހުން ހޫނުވީ، މަރުކަޒުގައި އެކުދިން ބަލަހައްޓަމުންދިޔަ މީހަކަށް އެތަނުގެ ހިޔާވަހިކަމުގެ ދަށުގައި އުޅެމުންދާ އަންހެންކުއްޖަކު ހަމަލާދިނުމުން އެ މައްސަލަ ހޫނުވެގެންނެވެ.
މި މައްސަލާގައި ފެމިލީ ޑިވެލޮޕްމަންޓް މިނިސްޓްރީން ވަނީ، އިހަކަށްދުވަހަކު މައްސަލަ ހައްލުކުރުމަށް އެރަށަށް ޓީމެއްވެސް ގޮސްފައެވެ. ނަމަވެސް މައްސަލަ ހައްލުނުވެ އެންމެފަހުން ހުރިހާކުދިން އެރަށުން އެހެން ރަށަކަށް ބަދަލުކުރަން ނިންމީއެވެ.
ޖެންޑާއިންވެސް ވަނީ އެކުދިން އެހެން ރަށަކަށް ބަދަލުކުރިކަން ވޮއިސްއަށް ކަށަވަރުކޮށްދީފައެވެ.
އަތޮޅުތެރޭގެ ބައެއް ރަށްތަކުގައި ގާއިމްކޮށްފައިވާ ފެމިލީ އެންޑް ޗިލްޑްރަންސް ސާވިސް ސެންޓަރުތަކަކީ އާއިލާތަކުގައި އުފެދޭ އެކި މައްސަލަތަކުގައި އާއިލާގެ އަޅާލުމާ ލޯބިން މަހުރޫމްވާ ކުދިންނަށް ފަހި ވެއްޓެއް ހޯދައިދިނުމުގެ ގޮތުން ގާއިމްކުރި ސެންޓަރުތަކެކެވެ.
Advertisement
This content is created and paid for by advertisers and does not involve Voice Journalists
