School teacher aku dharivarunnaa nugulhey vaahaka dhakkai groom kuri mahssala eh!

ސްކޫލް ޓީޗަރަކު ދަރިވަރުންނާ ނުގުޅޭ ވާހަކަ ދައްކައި ގްރޫމް ކުރި މައްސަލައެއް ފުލުހުން ބަލަނީ

21 Oct 2024 | 13:10

ޖިންސީ އަނިޔާއާ ދެކޮޅަށް ކުރި މުޒާހަރާއެއްގެ ތެރެއިން:ފޮޓީ/ ސަން

ސްކޫލް ޓީޗަރަކު ދަރިވަރުންނާ ނުގުޅޭ ވާހަކަ ދައްކައި ގްރޫމް ކުރި މައްސަލައެއް ފުލުހުން ބަލަން ފަށައިފިއެވެ.

ފުލުހުން ބުނީ، ދެކުނުން މެދުރާއްޖެތެރޭ ސަރަޙައްދުގެ (މ، ފ، ދ، ތ، ލ) ސްކޫލެއްގެ ފިރިހެން މުދައްރިސަކު ދަރިވަރުންގެ އުމުރާ ނުގުޅޭ ވާހަކަ ދައްކައި، އެ ކުދިން ގްރޫމް ކުރި ކަމަށް ތުހުމަތު ކުރެވޭ މައްސަލައެއް ފުލުހުންނަށް ރިޕޯޓު ކޮށްފައިވާ ކަމަށެވެ.

ފުލުހުންގެ ބަޔާނުގައި ބުނެފައިވާ ގޮތުގައި މި މައްސަލަ ރިޕޯޓު ކޮށްފައިވަނީ މިދިޔަ އޮކްޓޯބަރ މަހުގެ 17 ވަނަ ދުވަހުއެވެ.

އަދި މިހާރު މި މައްސަލަ ތަޙުޤީޤު ކުރަމުން ގެންދާ ކަމަށް ފުލުހުން ބުނެއެވެ.

ކުޑަކުދިންނާ ގުޅޭ މައްސަލަތަކަކީ ވަރަށް ސީރިއަސް މައްސަލަތަކެއްގެ ގޮތުގައި ވާތީ، ކުއްޖާގެ އައިޑެންޓިޓީ ރައްކާތެރި ކުރުމުގެ ގޮތުން އެކުއްޖާގެ އަތޮޅާއި ރަށް ފުލުހުން ހާމަކޮށްފައެއް ނުވެއެވެ:

ހަބަރު

ޖިންސީ ގޯނާ