ގައުމަށް ވަފާތެރި ދީންވެރި ބައެއްގެ ގޮތުގައި ޒުވާނުން ވުމަށް ރައީސް ޑރ. މުހައްމަދު މުއިއްޒު އެދިވަޑައިގެންފިއެވެ.
އެމަނިކުފާނު މިފަދައިން އެދިލެއްވީ ދިވެހި ޒުވާނުންގެ ދުވަހުގެ ތަހުނިޔާ ވިދާޅުވެ އެކްސްގައި ކުރެއްވި ޕޯސްޓެއްގައެވެ.
ރައީސްގެ ޕޯސްޓްގައި އެމަނިކުފާނު ވަނީ، ޒަމާނުގެ އާ ފިޔަވަޅުތަކުގެ މަތީގައި ހަލުވިކަމާއެކު ދިވެހި ޒުވާނުން ދަތުރު ކުރުމަށް ނަސޭހަތްތެރިވެވަޑައިގެންފައެވެ.
އަދި ޒުވާނުންނަކީ ގައުމާއި މުޖުތަމައުއާއި އާއިލާ އަށް ވަފާތެރި، ދުޅަހެޔޮ، ދީންވެރި އަދި ޚުލްގުހެޔޮ ބައެއްގެ ގޮތުގައި ވުމަށް ވެސް އެމަނިކުފާނުވަނީ ނަސޭހަތްތެރިވެވަޑައިގެންފައެވެ.
ކޮންމެ އަހަރެއްގެ ވެސް އޮކްޓޯބަރު މަހުގެ 22 ވަނަ ދުވަސް ފާހަގަ ކުރަނީ ދިވެހި ޒުވާނުންގެ ދުވަހުގެ ގޮތުގައެވެ. މިއީ ގައުމުގެ ތަރައްގީގައި ޒުވާނުންގެ ދައުރު ފާހަގަކޮށް، ޒުވާނުންގެ އެއްބާރުލުމާއި ބައިވެރި ވުމާއެކު ގައުމު ބިނާކުރުމަށް ހިތްވަރުދިނުމަށް ފާހަގަކުރާ ދުވަހެކެވެ.
Advertisement
This content is created and paid for by advertisers and does not involve Voice Journalists
