ސިނަމާލެ ބްރިޖް ކައިރިއަށް ކުލަޓައްޕުތަކެއް ބަންޑުންވެއްޖެއެވެ.ކުލަޓައްޕުތައް ބަންޑުންވީ ދުއްވާފައިދިޔަ ލޮރީއަކުންނެވެ. އެ ލޮރީ ދުއްވާފައި ދިޔައީ އުސްފަސްގަނޑު ބޮޑުތަކުރުފާނުމަގުން ސެނަހިޔާ އާ ދިމާލަށެވެ.
ލޮރީގައި ހުރި ކުލަޓައްޕުތައް ބަންޑުންވީ ބްރިޖާ، ބޮޑުތަކުރުފާނުމަގާ ދިމާލު ކަންމައްޗަށެވެ. ލޮރީގައި ގިނަ އަދެދެއްގެ ކުލަޓައްޕުތައް ހުރިއިރު، މަންޒަރުދުށް މީހަކު ވޮއިސްއާ މައުލޫމާތު ހިއްސާކުރަމުން ބުނީ ޓައްޕުތައް ބަންޑުންވީ، ލޮރީ މަގަށް އަޅާލިވަގުތު އަރިއަޅާލުމުންނެވެ.
ބެލެވޭގޮތުގައި އެ ލޮރީގައި ފަންސާހަކަށް ކުލަ ޓައްޕު ހުންނާނޭކަމަށް ބެލެވެއެވެ. އޭގެ ތެރެއިން ގިނަ އަދަދެއްގެ ކުލަ ޓައްޕުތައް ބިންމައްޗަށް ވެއްޓި ބަންޑުންވެ މުޅި އެ ސަރަހައްދަށް ވަނީ ކުލައެޅިފައެވެ. ކުލަ ޓައްޕުތަކުގެ ތެރޭގައި ސީލަރުވެސް ހުރިކަމަށް މައުލޫމާތު ލިބެއެވެ.
ލޮރީގައި ހުރި ކުލަޓައްޕުތައް ބަންޑުންވެ މަގަށް ކުލަ އެޅިފައި.. ފޮޓޯ/ ވޮއިސް
މިކަމާ ގުޅިގެން އެމްއެންޑީއެފުން ބުނީ ކުލަފާޓާތަކެއް ބަރުކޮށްގެން ހުޅުމާލެއިން މާލެއަށް އައި ޕިކަޕަކުން ކުލަ ފާޓާތައް ވެއްޓި މަގުމައްޗަށް ކުލައެޅުމާ ގުޅިގެން، މަގުމަތީގައި ހުރި ކުލަތައް ސާފުކުރުމުގައި އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ސިފައިން ހަރަކާތްތެރިވެފައިވާކަމަށެވެ.
Advertisement
This content is created and paid for by advertisers and does not involve Voice Journalists
