8 އަހަރުގެ ފިރިހެން ކުއްޖަކަށް ޖިންސީ ގޯނާ ކުރި މައްސަލާގައި ބިދޭސީއަކު ހައްޔަރުކޮށްފިއެވެ. 

ފުލުހުން ބުނީ، ދެކުނު ޕޮލިސް ސަރވިސްގެ ދާއިރާގައި ހިމެނޭ (ގއ، ގދ، ޏ، ސ) ރަށެއްގައި 8 އަހަރުގެ ފިރިހެން ކުއްޖަކަށް ޖިންސީ ގޯނާކުރި ކަމަށް ތުހުމަތު ކުރެވޭ މައްސަލައެއް 22 އޮކްޓޯބަރު 2024 ގައި ފުލުހުންނަަށް ރިޕޯޓުކޮށްފައިވާ ކަމަށެވެ. 

އަދި މި މައްސަލައާ ގުޅިގެން 26 އަހަރުގެ ބިދޭސީ ފިރިހެނަކު ކޯޓު އަމުރެއްގެ ދަށުން އިއްޔެ ހައްޔަރުކޮށްފައިވާ ކަމަށެވެ. 

Advertisement

ފުލުހުން އިތުރަށް ބުނީ މި މައްސަލަ ގެންދަނީ ތަޙުޤީޤުކުރަމުން ކަމަށެވެ.

ކުޑަކުދިންނާ ގުޅޭ މައްސަލަތަކަކީ ނާޒުކު މައްސަލަތަކަކަށް ވާތީ، ކުއްޖާގެ އައިޑެންޓިޓީ ރައްކާތެރިކުރުމުގެ ގޮތުން ކުއްޖާގެ އަތޮޅާއި ރަށް ހާމަކޮށްފައެއް ނުވެއެވެ.