ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އަދި މިނިސްޓްރީ އޮފް އިސްލާމިކް އެފެއާޒާ ގުޅިގެން އަލްޢަޞްރުގެ ފަރާތުން އިންތިޒާމްކޮށްގެން "ކަލަކުވޭ ބިރުވެތިވޭ" ނަމުގައި ޚާއްސަ ދަރުހެއް ބޭއްވުމަށް ހަމަޖެހިއްޖެއެވެ.
މި ދަރުސް ބަލަންދާ ފަރާތްތަކުގެ ތެރެއިން ނަސީބުވެރި ފަރާތަކަށް އައިފޯން 16 ޕްރޯ މެކްސްއެއް ދިނުމަށް ވަނީ ހަމަޖެހިފައެވެ.
މި ދަރުސް އޮންނާނީ 2024 ނޮވެމްބަރ 02 ވަނަ ދުވަހުގެ ރޭ 20:45ގައި، ހުޅުމާލޭގެ ރުއްގަނޑު 2 ސަރަހައްދުގައެވެ.
މި ދަރުސްގައި ވާހަކަފުޅު ދައްކަވާނީ އިލްމީގޮތުން ފުންނާބު އުސް އަދި ވަރަށް ގިނަބަޔެއްގެ މަޤްބޫލުކަން ހޯދާފައިވާ އިލްމުވެރިއެއް ކަމުގައިވާ ޑރ. އާދަމް ޝަމީމެވެ.
އަލްޢަޞްރުން މަޢުލޫމާތު ދިންގޮތުގައި، މި ދަރުސް ޓީ.ވީ.އެމް، ދާރިސް ޓީ.ވީ އަދި އަލްޢަޞްރުގެ ފޭސްބުކް ޕޭޖް މެދުވެރިކޮށް ލައިވްކޮށް ދައްކާނެއެވެ.
އަދި ޚާއްޞަކަމެއްގެ ގޮތުގައި، ދަރުހަށް ހާޒިރުވެ ދަރުސް ނިމެންދެން މަޑުކުރާ ފަރާތްތަކުގެ މެދުގައި ނެގޭ ގުރުއަތުން ހޮވޭ ފަރާތަކަށް އައިފޯން 16 ޕްރޯ މެކްސްއެއް ހަދިޔާ ކުރުމަށްވެސް ވަނީ ހަމަޖެހިފައެވެ.
މި ގުރުއަތުގައި ބައިވެރިވުމަށް ޝަރުތު ހަމަވާނީ ދަރުހަށް ހާޒިރުވެ ރަޖިސްޓްރީކުރާ ފަރާތްތައް ކަމުން ވީހާވެސް ގިނަ ފަރާތްތަކުން ދަރުހަށް އައުމަށް އަލް-ޢަޞްރުން ވަނީ ދަޢުވަތު ދީފައެވެ.
Advertisement
This content is created and paid for by advertisers and does not involve Voice Journalists
