ދިވެހިންގެ ތެރޭގައި އާއްމުވަމުންދާ އޮންލައިނުކޮށް ޖުވާކުޅުން ނުވަތަ ބެޓިން ހުއްޓުވުމަށް ޤާނޫނަށް އިސަްލާހު ގެންނަވާނޭކަމަށް ބަންޑާރަނައިބު އަޙުމަދު އުޝާމް މިއަދު ވިދާޅުވެއްޖެއެވެ.

ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން އުޝާމް ވިދާޅުވީ ވެބްސައިޓުތަކާއި އެޕްލިކޭޝަން މެދުވެރިކޮށް ޖުވާކުޅުން ހުއްޓުވުމަށް ޤާނޫނަށް އިސްލާހް ގެންނަވާނޭކަމަށެވެ. ބަންޑާރަ ނައިބު ވަނީ މިކަން ދިވެހިންގެ ތެރޭގައި ވަރަށްބޮޑަށް އާއްމުވަމުންދާކަން ފާހަގަކުަރައްވާފައެވެ.

އުޝާމް ވިދާޅުވީ ޤާނޫނަށް އިސްލާގު ގެނައުމަށް ސަރުކާރުގެ ތެރޭގައި މަސައްކަތްކުރެވެމުންދާއިރު، އަދި މިހާތަނަށް މިކަން ހުއްޓުވުމަށް ޤާނޫނީގޮތުން ކަމެއް ކުރެވިފައި ނުވާކަމަށެވެ. ސަރުކާރުން ވަނީ މިއަހަރު އޮންލައިން ބެޓިން ސައިޓްތައް ބްލޮކްކުރުމުގެ މަސައްކަތް ފަށާފައެވެ. 

Advertisement

ޒުވާނުންގެ އިތުރުން ފުރާވަރަށް އަރައިގެން އަންނަ ކުދިންގެ މެދުގައި ބެޓް ކުރުމާއި ޖުވާ ސައިޓްތައް އާއްމުވެފައިވާއިރު، ބައެއް ފަރާތްތަކުން ގެންދަނީ އޭގެން ފައިސާވެސް ހޯދަމުންނެވެ.