މާދަމާއިން ފެށިގެން ސަރުކާރުގެ އަދި އަމިއްލަ ސިއްހީ ޚިދުމަތްދޭ މަރުކަޒުތަކުން "އައުޓް ޕޭޝަންޓް" ގެ ޚިދުމަތްތައް ހޯދާ ފަރާތްތަކުގެ ތެރެއިން ޕްރައިވެޓް އިންޝުއަރަންސް އޮންނަ ފަރާތްތަކުގެ ބިލްތައް ކުރުމުގައި އިސްކަންދޭނީ ޕްރައިވެޓް އިންޝުއަރަންސް އަށްކަމަށް އެންސްޕާއިން ބުނެފިއެވެ.

އެންސްޕާއިން މިއަދު ނެރުނު ނޫސް ބަޔާނެއްގައި ބުނިގޮތުގައި، މި ބަދަލު ގެނެވެނީ ދިވެހި ރައްޔިތުންނަށް ރަނގަޅު ފެންވަރުގެ ޞިއްޙީ ޚިދުމަތް ފޯރުކޮށްދިނުމަށްޓަކައި ހިންގޭ އިޖްތިމާޢީ ސިއްޙީ އިންޝުއަރަންސް ނިޒާމު، އާސަންދަ އަކީ ދެމެހެއްޓެނިވި ގޮތެއްގައި ފެންވަރު ރަނގަޅު ޚިދުމަތްތަކެއް ޚިދުމަތްތަކެއް ފޯރުކޮށްދެވޭ ނިޒާމަކަށް ހެދުމަށް ކުރަމުންދާ މަސައްކަތުގެ ދަށުންނެވެ. 

މިގޮތުން 1 ނޮވެންބަރު 2024 އިން ފެށިގެން "އައުޓް ޕޭޝަންޓް" ގެ ޚިދުމަތްތައް ހޯދާ ފަރާތްތަކުގެ ތެރެއިން ޕްރައިވެޓް އިންޝުއަރަންސް އޮންނަ ފަރާތެއްނަމަ، ޕްރައިވެޓް އިންޝުއަރަންސަށް ފުރަތަމަ ބިލް ކުރާގޮތަށް ވަނީ ހަމަޖެހިފައެވެ.

އެންސްޕާގެ ނޫސް ބަޔާނުގައި ވާގޮތުން، ޕްރައިވެައިވެޓް އިންޝުއަރަންސް ނަގާފައިވާ ފަރާތްތަކުން އެފަރާތްތަކުގެ އިންޝުއަރަންސް ޕޮލިސީގައިވާ ގޮތަށް އާސަންދައިން އެ ޚިދުމަތަށް ކަވަރޭޖް ލިބިގެންދާނެއެވެ. މިކަންކަން ކުރިއަށްދަނީ ދިވެހި ރައްޔިތުންނަށް ލުއިފަސޭހަ އަދި ދެފުށް ފެންނަ ގޮތެއްގައި ކަން ކަށަވަރު ކުރުމަށް މި ފިޔަވަޅު ތަންފީޒު ކުރަނީ އެކި ފިޔަވަޅުތަކަށް ބަހާލައިގެން އައުޓް ޕޭޝަންޓް، އަދި އިން ޕޭޝަންޓް ވަކިން ކަމަށް ބުނެފައިވެއެވެ. 

އަދި ކަނޑައެޅިފައިވާ އުސޫލާއި ޚިލާފަށް ޚިދުމަތްދޭ މަރުކަޒުތަކުން ޢަމަލުކުރާކަން ފާހަގަ ކުރެވިއްޖެނަމަ އެކަން އާސަންދަ ކޮމްޕެނީ ލިމިޓެޑްގެ ”ޝިކާވަތި“ ޗެޓްލައިން 7951400 އަށް ރިޕޯޓް ކުރުމަށް އެންސްޕާއިން ވަނީ އެދިފައެވެ. މިކަމާ ގުޅޭ އިތުރު މަޢުލޫމާތު ސާފުކުރައްވަން ބޭނުންފުޅުވާ ފަރާތްތަކަށް އާސަންދަ ކޮމްޕެނީ ލިމިޓެޑްގެ ހޮޓްލައިން 1400 އަށް ގުޅުއްވުމަށް ވެސް ވަނީ އަންގާފައެވެ.