ދުންފަތް ބޭނުންކޮށްގެން ތައްޔާރުކޮށްފައި ހުންނަ ސިނގިރޭޓާއި ބިޑި ފަދަ ތަކެތިން ނަގާ އިމްޕޯޓް ޑިއުޓީ ބޮޑުކުރުމަށް ފާސްކުރި އިސްލާހް ރައީސުލްޖުމްހޫރިއްޔާ ރޭ ތަސްދީގުކުރައްވައިފިއެވެ.

މި އިސްލާހު ރައްޔިތުންގެ މަޖިލީހުގެ ތަޅުމުން ފަސްކޮށްފައިވަނީ އިއްޔެ ބޭއްވުނު ޖަލްސާގައެވެ. ރައީސުލްޖުމްހޫރިއްޔާ ޑރ.މުހައްމަދު މުއިއްޒު މި ބިލް ރޭ ތަސްދީގު ކުރެއްވުމާއެކު، ސިނގިރޭޓާއި ބިޑިއަށް ނަގާ އިމްޕޯޓް ޑިއުޓީގެ ސްޕެސިފިކް ރޭޓް 3 ރުފިޔާއިން 8 ރުފިޔާއަށް ބޮޑުވެގެންދާނެއެވެ.

ސިނގިރޭޓާއި ބިޑީގެ އިންޕޯޓް ޑިޔުޓީ މިއަދުން ފެށިގެން ބޮޑުވާއިރު، ވޭޕްކުރުމަށް ބޭނުންކުރާ ތަކެއްޗާއި، އެ ތަކެތީގެ ވަކިވަކި ބައިތައް ދިވެހިރާއްޖެއަށް އެތެރުކުރުން 15 ނޮވެމްބަރ އިން ފެށިގެން މަނާ ކުރުމަށާއި، ޑިސެމްބަރު މަހުގެ 15 ވަނަ ދުވަހުން ފެށިގެން ރާއްޖޭގައި ވޭޕްގެ ވިޔަފާރިކުރުމާއި އެ ބޭނުންކުރުން މަނާކުރަންވެސް ވަނީ ނިންމާފައެވެ.

Advertisement

ދުންފަތް ބޭނުންކޮށްގެން ތައްޔާރުކޮށްފައި ހުންނަ ސިނގިރޭޓާއި ބިޑި ފަދަ ތަކެތިން އިމްޕޯޓް ޑިއުޓީ ބޮޑުކުރުމުން އަންނަ އަހަރުން ފެށިގެން އެ ބާވަތްތަކުން އެކަނިވެސް ދައުލަތަށް އާމްދަނީގެ ގޮތުގައި ބިލިއަނަކަށްވުރެ ގިނަ ރުފިޔާ ލިބޭނޭކަމަށް ސަރުކާރުން ވަނީ ލަފާކޮށްފައެވެ.

ޑިއުޓީއަށް ގެންނަ ބަދަލާ ގުޅިގެން މިއަހަރުގެ ތެރޭގައި 180 މިލިއަން ލިބޭނޭކަމަށް ވަނީ ލަފާކޮށްފައެވެ.