ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އަދި މިނިސްޓްރީ އޮފް އިސްލާމިކް އެފެއާޒާ ގުޅިގެން އަލްޢަޞްރުގެ ފަރާތުން އިންތިޒާމްކޮށްގެން "ކަލަކުވޭ ބިރުވެތިވޭ" ނަމުގައި ބާއްވާ ޚާއްސަ ދަރުސް މިރޭ އޮންނާނެކަމަށް އަލްޢަޞްރުން ބުނެފިއެވެ.
މި ދަރުސް އޮންނާނީ މިރޭ 20:45 ގައި، ހުޅުމާލޭގެ ރުއްގަނޑު 2 ސަރަހައްދުގައެވެ.
މި ދަރުސްގައި އިލްމީގޮތުން ފުންނާބު އުސް އަދި ވަރަށް ގިނަބަޔެއްގެ މަޤްބޫލުކަން ހޯދާފައިވާ އިލްމުވެރިއެއް ކަމުގައިވާ ޑރ. އާދަމް ޝަމީމް ވާހަކަދެއްކުމަށް ހަމަޖެހިފައިވާއިރު، ޓީ.ވީ.އެމް، ދާރިސް ޓީ.ވީ އަދި އަލްޢަޞްރުގެ ފޭސްބުކް ޕޭޖް މެދުވެރިކޮށް ލައިވްކޮށް މި ދަރުސް ދެއްކުމަށް ވަނީ ހަމަޖެހިފައެވެ.
މި ދަރުސް ބަލަންދާ ފަރާތްތަކުގެ ތެރެއިން ނަސީބުވެރި ފަރާތަކަށް އައިފޯން 16 ޕްރޯ މެކްސްއެއް ދިނުމަށް ހަމަޖެހިފައިވާއިރު، މި ގުރުއަތުގައި ބައިވެރިވުމަށް ޝަރުތު ހަމަވާނީ ދަރުހަށް ހާޒިރުވެ ރަޖިސްޓްރީކުރާ ފަރާތްތައް ކަމުން ވީހާވެސް ގިނަ ފަރާތްތަކުން ދަރުހަށް އައުމަށް އަލް-ޢަޞްރުން ވަނީ ދަޢުވަތު ދީފައެވެ.
Advertisement
This content is created and paid for by advertisers and does not involve Voice Journalists
