ސީ-ޓު-އެއަރ ކާގޯ ޚިދުމަތުގެ ދަށުން އިންޑިއާއިން ރާއްޖެއަށް ގެނައި މުދާތަކެއް ޔޫރަޕަށް ފޮނުވައިފިއެވެ.
މިކަމާއި ގުޅޭގޮތުން މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނީ، އިންޑިއާއިން ރާއްޖެއަށް ގެނައި މުދާތަކެއް ކޮންޑޯ އެއަރލައިން މެދުވެރިކޮށް ޖަރުމަނުވިލާތަށް ފޮނުވާލާފައިވާކަމަށެވެ.
ސީ-ޓު-އެއަރ ކާގޯ ޚިދުމަތުން ރާއްޖެއިން އާއްމުކޮށް ފޮނުވަނީ ބަންގުލަދޭޝުން ކަނޑުމަގުން ރާއްޖެއަށް ގެންނަ ތަކެތިނަމަވެސް، މި ޚިދުމަތަށް އޮންނަ ޑިމާންޑު އިތުރުވަމުންދާއިރު، މިހާރު މިވަނީ އިންޑިއާއިން ގެނައި މުދާތަކެއް ޔޫރަޕަށް ފޮނުވާލާފައެވެ.
މިއީ، ކަނޑުމަގުން މުދާ ރާއްޖެ ގެނެސް، ވައިގެ މަގުން އެކި މަންޒިލްތަކަށް އަވަހަށް ފޮނުވައިދިނުމަށްޓަކައި، މޯލްޑިވްސް ޕޯޓްސް ލިމިޓެޑް، މޯލްޑިވްސް ސްޓޭޓް ޝިޕިން، މޯލްޑިވްސް އެއަރޕޯޓްސް ކޮމްޕެނީ ލިމިޓެޑް އަދި ބައިނަލްއަޤްވާމީ އެއަރލައިންތަކާ ގުޅިގެން ފަށާފައިވާ ޚިދުމަތެކެވެ.
އެމްޕީއެލުން ހާމަކުރި ގޮތުގައި، މި ހިދުމަތާއި މިހާތަނަށް 7 އެއާލައިނަކުން ވަނީ ގުޅިފައެވެ.
Advertisement
This content is created and paid for by advertisers and does not involve Voice Journalists
